လါအီးကထိဘၢၣ် ၁၀သီ၊၂၀၂၃နံၣ်
ပဂိ(ပဲခူး)ကီၢ်ခီဒိၣ် ပဂိဝ့ၢ်ပူၤ မူခိၣ်စူၤတပယူာ်ဃီတကးဒံးဘၣ် ထံကျိထံတဖၣ်ဒိၣ်ထီၣ်အဃိ ဝ့ၢ်ဒီတဖျၢၣ်ထံလုာ်ဘၢတကးဒံးဘၣ် လၢပှၤမၤစၢၤကမျၢၢ်လီၢ်တဖၣ်နာ်က့ ထံနုာ်လီၤန့ၣ် သ့ၣ်ညါဘၣ်လၢ ပဂိဝ့ၢ်လီၢ်ကဝီၤဖိတဖၣ်အိၣ်န့ၣ်လီၤ
စးထီၣ်လၢလါအီးကထိဘၢၣ် ၇သီတုၤ၉သီ မူခိၣ်စူၤတပယူာ်ဃီဒီး ထံကျိထံတဖၣ်နာ်က့ဟဲဒိၣ်ထီၣ်အဃိ ဝ့ၢ်ဒီတဖျၢၣ်ထံလုာ်ဘၢတကးဒံးဘၣ် လီၢ်ကဝီၤဖိတဖၣ်အီၣ်အီအိၣ်ဆိးအဂီၤတၢ်ကီတၢ်ခဲအိၣ်ထီၣ်ဒီး ပှၤမၤစၢၤကမျၢၢ်လၢထံလုာ်ဘၢတဖၣ်အဂီၤပှၤအိးထီၣ်ဃး ရွှ့ၣ်နဲးသၣ် သီခါဖၠၣ်နာ်က့ ထံနုာ်လီၤန့ၣ် ပဂိဝ့ၢ်ပူၤ ပိးနါစူး လီၢ်ကဝီၤပိၣ်ခွါတဂၤစံးဝဲန့ၣ်လီၤ
“လၢဝ့ၢ်ခၢၣ်သးကျဲတဖၣ်မးန့ၣ်ထံလုာ်ဘၢလၢၤလံ လၢဝ့ၢ်ပူၤထံဒိၣ်ထီၣ်ထဲအံၤထံၣ်ဘၣ်အခဲလီၤ အခဲပဘၣ်အိၣ်လၢသီခါဖၠၣ်တၢ်ကီတၢ်ခဲအိၣ်လီၤ တၢ်ပီးတၢ်လီတဖၣ်နာ်က့စိၤတချူးလၢၤဘၣ် ပှၤကညီအရ့ဒိၣ်အဃိပဘၣ်ဟဲအိၣ်လၢသီခါဖၠၣ်လီၤ အခဲလၢရွှ့ၣ်နဲးသၣ်သီခါဖၠၣ်နာ်က့ထံလုာ်ဘၢလံ”န့ၣ်အဝဲစံးဝဲလီၤ
တကးဒံးဘၣ် ပိၣ်မုၣ်လၢအိၣ်ဆိးဖဲဖၠါပူၤကဝီၤဒ့တဂၤစံးဝဲ” လၢနီသ့ၣ်အိၣ်တၢ်အလီၢ်ဝ့ၢ်ခၢၣ်သးထံဒိၣ်ထီၣ်အခဲတဘျီလီၤ ထံဒိၣ်ထီၣ်တုၤလၢသးနါပှၢ်ညါ ပဝဲဟံၣ်န့ၣ်ခီ သၢဆီမီအခဲပဘၣ်အိၣ်လၢ အဖီခိၣ်ကတၢၢ်လီၤ လဲၤက့ၤတန့ၣ်နီတမံၤဘၣ် အခဲပပှ့ၤတၢ်အီၣ်တန့ၣ်ဘၣ် မ့ၣ်အူနာ်က့ တဟဲလၢမဟါန့ၣ်လံ ပဘၣ်အီၣ်ဒၣ်ခီဖံၣ်ကမုၣ်ဒီးကိၣ်ဖိနီဖိလၢပပှ့ၤပာ်ဃးတဖၣ်လီၤ”အဝဲစံးဝဲန့ၣ်လီၤ
တကီၢ်ခါခဲအံၤနာ်က့ ပဂိဝ့ၢ်ပူၤထံဒိၣ်ထီၣ်ကယီကယီဒီး သူၣ်က့သးပှၢ်ဒီးလီၢ်ကဝီၤကမျၢၢ်လၢပံးဃးသးတဖၣ်ဒ်သိးမၤစၢၤဝဲကန့ၣ်အဂီၤလိၣ်ဘၣ်ဝဲ ချံ(စဲး)တဖၣ်ဒီးကမျၢၢ်လၢဘၣ်ကီဘၣ်ခဲ နီၢ်ဂံၢ်တကလးဘျဲၣ်အဂီၤ လိၣ်လၣ်ဂ့ၤဂီၤအူတၢ်အီၣ်တၢ်အီတဖၣ်န့ၣ် အနဲမဲးမၠ့းတၣ် ပှၤမၤဘူၣ်သွံၣ် ကရၢဖိတဂၤစံးဝဲန့ၣ်လီၤ
“လၢပဂိန့ၣ်ကဝီၤဒ့ကအိၣ်၃၄ ခါလီၤ အခဲ ကဝီၤဒ့၂၅ခါဃၣ်ဃၣ်ထံလုာ်ဘၢလီၤ ထံနာ်က့ဟဲဒိၣ်ထီၣ်လီၤ လၢအ့ရှါကျဲန့ၣ်တုၤလၢယီၢ်ဒ့ လၢကျဲတနီဖျါထဲခိၣ်လီၤ အခဲလၢထံလုာ်ဘၢအဂီၤ လိၣ်ဘၣ်ချံလီၤ လၢပှၤဘၣ်ကီဘၣ်ခဲအဂီၤလိၣ်ဘၣ် အီၣ်အီအိၣ်ဆိးအဂီၤ အခဲဒ်သိးပမၤစၢၤ သူၣ်က့သးပှၢ်၊ဖိဒံဖိသၣ်ဒီးပှၤဆါတဖၣ်အဂီၤ လိၣ်ဘၣ်ချံလီၤ”န့ၣ်အဝဲစံးဝဲလီၤ
တကးဒံးဘၣ် ပဂိဝ့ၢ်ပူၤ MPT ကွဲၤဒီနၣ်ကျိၤ ဒီး internet တဖၣ်ဟးဂီၤဝံၤ စးထီၣ်လၢလါအီးကထိဘၢၣ် ၈သီလီမ့ၣ်အူဟးဂီၤန့ၣ်လီၤ
ပဂိဝ့ၢ်ပူၤ ရွှ့ၣ်နဲးသၣ် သီခါဖၠၣ်၊ပညၣ်မိၣ် သီခါဖၠၣ် ဒီး လၢညါ COVID Center လီၢ် ၂၂ တီၢ်ပူၤ ပှၤပာ်ဝဲကမျၢၢ်ဘၣ်ကီဘၣ်ခဲတဖၣ်န့ၣ်သ့ၣ်ညါဘၣ်န့ၣ်လီၤ
ခီဖျိ ထံဒိၣ်ထီၣ်၊ထံလုာ်ဘၢဒီးထံအီၣ်ကွံာ်အဃိ ပဂိကျဲ(မြို့ရှောင်လမ်း)ကိးကိၣ်တဲအဃၢၢ် ကျဲဟီၣ်ခိၣ်လာ်တကးဒံးဘၣ် ပဂိဝ့ၢ် ၃မံးလာ် ၄ မံးလာ် မစ့(ဆည်)၊အလဲၣ်နံၣ်(ဆည်)၊စီထူၣ်(ဆည်)တဖၣ်ထုးထီၣ်ကွံာ်ထံအဃိ ထံလုာ်ဘၢဒ်အံၤန့ၣ်လီၢ်ကဝီၤဖိစံးဝဲန့ၣ်လီၤ
၂၀၂၃နံၣ်အတီၢ်ပူၤ ပဂိ ကီၢ်ခီဒိၣ်အပူၤ ထံဒိၣ်ထီၣ်အိၣ် ၄ဘျီလံဒီး ပဂိဝ့ၢ်ခၢၣ်သးထံလုာ်ဘၢဒ်အံၤမ့ၢ်ဝဲအခီၣ်ထံးတဘျီန့ၣ်ပဂိဝ့ၢ်လီၢ်ကဝီၤဖိစံးဝဲအသိးသ့ၣ်ညါဘၣ်န့ၣ်လီၤ
