လါအီးကထိဘၢၣ် ၆သီ၊၂၀၂၃နံၣ်
ကညီကီၢ်စဲၣ် မၠၣ်ဝတံၣ်ဝ့ၢ်ပူၤ ပှၤဒီမါဝၣ်ခံဂၤလၢမၤသကိးတၢ်ဒီးပယီၤသုးစုတီၤဖီလာ် ကရူၢ်ကရၢဘၣ်တၢ်ခးသံအီၤလၢအဝဲသ့ၣ်အဟံၣ်ပူၤန့ၣ် သ့ၣ်ညါဘၣ်လၢမၠၣ်ဝတံၣ်ဝ့ၢ်လီၢ်ကဝီၤဖိတဖၣ်အိၣ်န့ၣ်လီၤ
မၠၣ်ဝတံၣ်ဝ့ၢ် ကဝီၤဒ့နီၢ်ဂံၢ် ၄ အိၣ်ဆိးဝဲလၢဖီကျီး ၃ ကျဲ သးနံၣ် ၃၄နံၣ် စီၤသဲထဲးအီၣ်ဒီးအမါသးနံၣ်၂၁နံၣ် န့န့ဝ့ၤ ဒီမါဝၣ်ခံဂၤလၢဘၣ်ထွဲဒီး BGFသုးတဖၣ်အံၤ ဖဲလါအီကထိဘၢၣ်၅သီ ဂီၤခီ၆နၣ်ရံၣ်ဃၣ်ဃၣ်ဆၢကတီၢ် ပှၤလဲၤထံၣ်လၢသံဖဲအဟံၣ်ပူၤန့ၣ် ပိၣ်မုၣ်အိၣ်လၢကဝီၤဒ့ ၄တဂၤစံးဝဲန့ၣ်လီၤ
“ပသ့ၣ်ညါလၢဂီၤခီ ၆နၣ်ရံၣ်မးလီၤ ဘၣ်ဒိပှၤခးသံလၢမုၢ်နၤခီန့ၣ်လံ အသွံၣ်ဃ့ထီလံ အဝဲသ့ၣ်အကရူၢ်ကရၢန့ၣ်ဘီဃးဟံၣ်ဖးဒိၣ်ကၠံအဃိ ပှၤအိၣ်လၢအဝဲသ့ၣ်ဟံၣ်ကပၤမးတနၣ်ဟူဘၣ်”န့ၣ်အဝဲစံးအါထီၣ်ဝဲန့ၣ်လီၤ
တကးဒံးဘၣ် ပှၤဟဲခးတၢ်တဖၣ်အံၤ ဟံန့ၣ်ဝဲတၢ်ဒီမါဝၣ်လၢဘၣ်တၢ်ခးသံဒီးကျိအဟံၣ်ပူၤ စ့တနီ၊ထူဒီးလီၤတဲစိၤ၃ဖျၢၣ်န့ၣ်အဝဲစံးဝဲလီၤ
ဘၣ်ဃးဒီးတၢ်ခးသံတဘျီအံၤ မ့ၢ်လၢကျိၤစ့တၢ်ဂ့ၤတဖၣ်အဃိ ဟဲခးသံဝဲဒ်အံၤန့ၣ်မၠၣ်ဝတံၣ်ဝ့ၢ်လီၢ်ကဝီၤပိၣ်ခွါတဂၤစံးဝဲန့ၣ်လီၤ
“အခဲတၢ်ကဲထီၣ်အသးအံၤ ဘၣ်ဃးဒီးကျိၤစ့တၢ်ဂ့ၤတၢ်ကျိၤဒီး ကဲထီၣ်ဒ်အံၤနုာ်လီၤခးတၢ်ဒ်အံၤလီၤ စိၤအခဲ ကျိန့ၣ်ပှၤဖှီၣ်န့ၣ်ကိးဂၤဒဲးလီၤဒၢး”န့ၣ်အဝဲစံးဝဲလီၤ
မၠၣ်ဝတံၣ်ဝ့ၢ်ပူၤ ပှၤတမျၢ်တၢ်မၤသံတၢ်အါထီၣ်အဃိ မၠၣ်ဝတံၣ်ဝ့ၢ်လီၢ်ကဝီၤဖိတတဖၣ်ဟးထီၣ်က့ၤလီၤထဲတဂၤ တဘူၣ်တကးဒံးဘၣ် ဘၣ်ဟးဒီးတၢ်ဘၣ်ယိၤအသိး တၢ်ဘံာ်တၢ်ဘၢတအိၣ်လၢၤန့ၣ်မၠၣ်ဝတံၣ်ဝ့ၢ်လီၢ်ကဝီၤဖိတဖၣ်စံးဝဲန့ၣ်လီၤ
“အခဲကဲထီၣ်ထဲပှၤကညီသံလီၤ ပှၤနီ Taxiတဖၣ်ဘၣ်ဂုၤသိလ့ၣ်ဘၣ်တၢ်ခးသံအမၠိမၠိလီၤ မ့ဟးတၢ်ချၢဝံစ့ထၢၣ်မးတဘူၣ်လၢၤဘၣ် စ့သၢကလးလွံၣ်ကလးနာ်က့မၤသံဝဲလီၤ အဃိဟးတဂၤတဘူၣ်ဘၣ်”န့ၣ်အဝဲစံးဝဲလီၤ
ဖဲအပူၤကွံာ်လါအီးကထၢဘၢၣ် ၂သီ ဟါခီဆၢကတီၢ်ခါနာ်က့ မၠၣ်ဝတံၣ်ဝ့ၢ် KBZ Band(1) managerအဒိၣ် တ့ၤမီၣ်အ့ လဲၤတၢ်ဒီးသိလ့ၣ်ယီၢ်ဆၢကတီၢ် တုၤဖဲကဝီၤဒ့ ၄ မၠ့းတၣ်ကျဲ ၂ န့ၣ် ဘၣ်တၢ်ခးဒီးကျိခီဖျိပှၤဟဲဒီးသိလ့ၣ်ယီၢ်ခံးဂၤအဃိ ဘၣ်ဖဲအခိၣ်ဒီးသံဝဲန့ၣ်လီၤ
မၠၣ်ဝတံၣ်ဝ့ၢ်ပူၤ စးထီၣ်လၢလါစဲးပထ့ဘၢၣ်တုၤ ခဲအံၤ လါအီးကထိဘၢၣ် တၢတနွံအတီၢ်ပူၤ ပှၤနီသိလ့ၣ်ယီၢ် texiတဖၣ် ဘၣ်တၢ်ဂုၤသိလ့ၣ်ဘၣ်တၢ်ခးသံအီ၊ဘၣ်တၢ်နုာ်လီၤခးသံတုၤလၢဟံၣ်ပူၤတဖၣ်ဒီးဝ့ၢ်ပူၤတၢ်ခးလိာ်သးတဖၣ်အဃိ ပှၤကညီသံအိၣ်လၢ ၆ခါဝံၤ ပှၤမၤသံတၢ်တဖၣ်ဃ့ၢ်ပူၤဖျဲးသးဒီး ပှၤဘၣ်မူဘၣ်ဒါတဖၣ်နာ်က့ ဟံန့ၣ်မူဒါရဲၤကျဲၤန့ၣ်ဝဲတအိၣ်ဒံးဘၣ်န့ၣ်သ့ၣ်ညါဘၣ်ခီဖျိမၠၣ်ဝတံၣ်ဝ့ၢ်လီၢ်ကဝီၤဖိစံးဝဲအသိးန့ၣ်လီၤ
