လါစဲးပထ့ဘၢၣ် အသီ၃၀၊ ၂၀၂၃နံၣ်
ကညီကီၢ်စဲၣ် နိၣ်တကီကီၢ်ဆၣ်အပူၤစးထီၣ်ဖဲဒုးယၤခိၣ်ဟဲသုးဃီအိၣ်ဝံၤအလီၢ်ခံသုးမီိစိရိၤတဖၣ်မၤအါထီၣ်ဝဲဂံၢ်ဘါန့ၢ် လီၢ်ကဝီၤဖိစံးဝဲအသိးသ့ၣ်ညါဘၣ်န့ၣ်လီၤ
ဖဲလါစဲးပထ့ဘၢၣ်လါထီၣ်၁သီန့ၣ် နီးတကီကီၢ်ဆၣ်သုးကလၢၤတၢ်လီၢ် စးထီၣ်ဖဲဒုးယၤခိၣ်ဟဲအိၣ်ဝံၤအလီၤခံသုးမီစိရိၤတဖၣ် အဂံၢ်ဘါ၃၀ဘျဲၣ်န့ၣ် ဖဲမုၢ်ဂီၤခီ
အနၣ်ရံၣ် ၁၀ န့ၣ်တဝီဒီး မုၢ်ဟါခီ၅နၣ်ရံၣ်န့ၣ်တဝီ ဟးဝ့ၤဝီၤသမံသမိးတၢ်တနံၤခံဝီန့ၣ် သ့ၣ်ညါဘၣ်လၢ လီၢ်ကဝီၤပိာ်မုၣ်တဂၤအိၣ်န့ၣ်လီၤ
ဟးဝ့ၤဝီၤသမံသမိးတၢ်နံၤနၤ သိလ့ၣ်၂ခိၣ်ပှၤကညီအဂၤ၃၀ဘျဲၣ်ကအိၣ်ဖဲအနၣ်ရံၣ်၁၀တခီ ဃၣ်ဃၣ်လီၤ ဟးဝဲဒီးသိလ့ၣ်ခံခိၣ် လၢဟါခီ၅နၣ်ရံၣ်ဆၢကတီၢ်နာ်က့ ဟးဝဲလီၤ အခဲတခးလီၤဝဲကျိဖးဒိၣ်ဘၣ် ပတုၤဃးတၢ်ခးလီၤ”န့ၣ်အဝဲစံးဝဲလီၤ
တကးဒံးဘၣ် ဒုးယၤခိၣ်ဟဲအသီလၢအမံၤမ့ၢ်ဝဲ ဒုးယၤခိၣ် စ့ၣ်ယာ်လ့ အံၤ ဃ့ဘူၣ်ဝဲတၢ်ပၢၤဆၢသုးကရူၢ်တဖၣ်တကးဒံးဘၣ် အဝဲနီၢ်ကစၢ် ဟးဝ့ၤဝီၤဒီး Mark2 သိလ့ၣ်တခိၣ်လၢ နိၣ်တကီဝ့ၢ်ပူၤဒီတနံၤအဃိ နိၣ်တကီလီၢ်ကဝီၤဖိတဖၣ်ဘၣ်ယိၤတၢ်ဒုးကကဲထီၣ်န့ၣ်လီၤ
“အဝဲသ့ၣ်ဃ့ဘူၣ်ဒုးယၤန့ၣ်ပနၣ်ဟူလီၤ ဒုးယၤဝဲန့ၣ်ဟးဝ့ၤဝီၤလၢဝ့ၢ်ပူၤဒီတနံၤလီၤ ပာ်လီၤဃးသိလ့ၣ်မဲာ်ကလၤတုၤလၢဟါခိ၆နၣ်ရံၣ်ကိးမုၢ်နံၤလီၤ အဝဲဟဲတုၤမးဃ့ဘူၣ်တၢ်ဒ်အံၤလီၤ အလီၤလံၤတဂၤန့ၣ်တတဲအါတၢ်နီတမံၤဘၣ် နိၣ်တကီန့ၣ်အမံၤဒိၣ်လီၤအခဲအံၤ ပှၤပျံၤထီၣ်တၢ်လံ ပှၤဃ့ၢ်ထီၣ်တနီလံ”န့ၣ်အဝဲစံးဝဲန့ၣ်လီၤ
လီၢ်ကဝီၤတၢ်ပၢၢ်ဆၢသုးဖိတဂၤစံးဝဲ”ပနၣ်ဟူဘၣ်လၢညါအဝဲဟံန့ၣ်ဃးတၢ်စိကမီၤန့ၣ်လၢနိၣ်တကီလီၢ်ကဝီၤပူၤလီၤ လၢညါအဝဲဖှီၣ်နိၣ်တကီဃံးဂ့ၤမးလီၤ ဒ်သိးကဟံန့ၣ်လီၢ်ကဝီၤစိကမီၤအဂီၤပှၤပျဲလီၤအီၤလီၤ အဝဲဃ့ဘူၣ်တၢ်ပၢၢ်ဆၢသုးန့ၣ်မ့ၢ်ဧါတမ့ၢ်ဧါတသ့ၣ်ညါဘၣ်”န့ၣ်အဝဲစံးဝဲန့ၣ်လီၤ
ဖဲအပူၤကွံာ် လါယူၤလ့ ၁၆သီအနံၤခါနာ်က့ ပယီၤသုးစုတီၤဖီလာ် ဝဲၤကျိၤဝဲၤဒၢးရူတဖၣ်လၢအမ့ၢ်ဝဲ ကီၢ်ဆၣ်ပၢၤကီၢ်ဝဲၤဒၢး၊ပၢပြးရူ၊ဟီၣ်စရီရူဘၣ်တၢ်တ့ၤလီၤမ့ၣ်ပိၢ်ဒီးဒြိဝံၤအလီၢ်ခံ ပှၤဟးထီၣ်က့ၤလီၤလၢမုၢ်နၤခီ ၆နၣ်ရံၣ်အလီၢ်ခံတဖၣ် ပယီၤသုးမီၤစိရိၤခးဝဲဒီးကျိအိၣ်န့ၣ်လီၤ
လါစဲးပထ့ဘၢၣ် ၁သီ ပယီၤသုးကဘီယူၤလၢဟဲဆှၢတၢ်အီၣ်ဒီးကျိချံပှၢ်သၣ်ဆူ နိၣ်တကီဒုးယၤလုၣ်ဒီးဒုးယၤခိၣ်အကဘီယူၤခံခိၣ် Cloud wings drone ဒီးသုးပာ်ဖှိၣ်တဖၣ်ခးဝဲဒီးကျိဖးဒိၣ်န့ၣ်တၢ်ပၢၢ်ဆၢသုးကရူၢ်ထုးထီၣ်တၢ်ကစီၣ်အသိးသ့ၣ်ညါဘၣ်န့ၣ်လီၤ
