လါစဲးပထ့ဘၢၣ် ၁၈သီ၊၂၀၂၃နံၣ်
ကညီကီၢ်စဲၣ် နိၣ်တကီကီၢ်ဆၣ် ချၢၣ်-တကူၣ်တၢၣ် သဝီကရူၢ်ပူၤ ပယီၤသုးဒီးKNLAသုးပာ်ဖှိၣ်တဖၣ်အဘၢၣ်စၢၤ ခ့ခီခံကပၤထံၣ်လိာ်သးတၢ်ဒုးကဲထီၣ်န့ၣ်သ့ၣ်ညါဘၣ်ခီဖျိ နဂနံၣ်သုးကျိၤထုးထီၣ်တၢ်ကစီၣ်အသိးသ့ၣ်ညါဘၣ်န့ၣ်လီၤ
စးထီၣ်ဖဲလါစဲးပထ့ဘၢၣ် ၁၄သီ ဂီၤခီ၇နၣ်ရံၣ်ဃၣ်ဃၣ်ဆၢကတီၢ်ပယီၤသုးကျိၤလၢဟဲထီၣ်တဖၣ်လၢအမ့ၢ်ဝဲ သုးထံး ၄၄၊သုးထံး၂၂ဒီး သုးခိးကီၢ်ဆၢ BGFတဖၣ်ဘၣ်တၢ်ခးအီၤလၢ နဂနံၣ်သုးကျိၤဒီးသုးရ့ၣ်၁၆ဒီး ပယီၤသုးအဘံးကျိဖးဒိၣ်လုၣ်ခးလီၤ၁၂၀မမကျိဖးဒိၣ်အဃိ လီၢ်ကဝီၤဖိတဖၣ်ဘၣ်ဒိသံအိၣ်န့ၣ် နဂနံၣ်သုးကျိၤ သုးကျိၤခိၣ်ခံ ကိၣ်ဟ့စံးဝဲန့ၣ်လီၤ
“ကျိဖးဒိၣ်လုၣ် ခးလီၤ၁၂၂မမ ကျိဖးဒိၣ်ဆူချၢၣ်သဝီပူၤလီၤ လီၤတဲၤဖဲ သီခါဖၠၣ် အဃိ သိလ့ၣ်ဟးဂီၤတခိၣ် သီခါဘၣ်ဒိခံပါ ခးဝဲလၢခံတဝီန့ၣ် သဝီဖိသံတဂၤ”န့ၣ်အဝဲစံးဝဲလီၤ
လီၢ်ကဝီၤပိၣ်မုၣ်တဂၤနာ်က့ “ဖဲမဟါတနံၤန့ၣ်ခးကျီလီၤကျိဖးဒိၣ်လီၤ သဝီဖိဘၣ်ဒိ သိလ့ၣ်နာ်က့ဟးဂီၤ ကရ့ၣ်စုး တကပၤအဃိတသ့ၣ်ညါလီၤတံၤဘၣ်”န့ၣ်အဝဲစံးဝဲလီၤ
တကးဒံးဘၣ်ဖဲလါစဲးပထ့ဘၢၣ် ၁၈သီ ဂီၤခီဆၢကတီနာ်က့ ပယီၤသုးအဘံးကျိဖးဒိၣ်လုၣ်ခးလီၤကျိဖးဒိၣ်ဒီးခံခီခံကပၤထံၣ်လိာ်သးတၢ်ဒုးကဲထီၣ်အိၣ်န့ၣ်အဝဲတဲအါထီၣ်ဝဲလီၤ
“ပယီၤသုးတဖၣ်ဟးမၤတရီတပါတၢ်လၢချၢၣ်သဝီပူၤလီၤ ပဝဲဒၣ်ခီန့ၣ် ကရူၢ်ကရၢပာ်ဖှိၣ်လီၤ တုၤလၢယကွဲးလံာ်ဖၢမုၢ်ခးလိာ်သးဒံးဖဲမဟါနာ်က့ ဘၣ်လဲၤထုးထီၣ်ကွံာ်ကမျၢၢ်ခံဂၤလၢတၢ်ဒုးကျါဒံး”န့ၣ်အဝဲစံးဝဲလီၤ
ပယီၤသုးကီကးဒီးKNLAသုးပာ်ဖှိၣ်တဖၣ်ခ့ခီခံကပၤထံၣ်လိာ်သးတၢ်ဒုးအပူၤ ပယီၤသုးတကပၤ သုးရ့ၣ်ခိၣ်၁ဂၤ၊BGFသုးဒ့ခိၣ်တဂၤသံအဂၤ၁၀ဃၣ်ဃၣ်ဒီးဘၣ်ဒိ ၇ဂၤန့ၣ်နဂနံၣ်သုးကျိၤထုးထီၣ်တၢ်ကစီၣ်အပူၤပာ်ဖျါထီၣ်ဝဲန့ၣ် ပိၣ်မုၣ်လၢထံၣ်ဝဲပယီၤသုးဒီBGFသုးဖိအစိာ်တဂၤစံးဝဲလီၤ
ချၢၣ်-တကူၣ်တၢၣ်သဝီကရူၢ်ပူၤ ပယီၤသုးဒီးKNLAသုးပာ်ဖှိၣ်တဖၣ် ခံခီခံကပၤတၢ်ဒုးကဲထီၣ်အဃိ ချၢၣ်သဝီဖးဒိၣ်၊ချၢၣ်သဝီဆံးတကူၣ်တၢၣ်၊မၠိၣ်ဟီ၊ပလ့ၣ်သဝီဒီးသဝီ၇ဖျၢၣ်ပူၤ လီၢ်ကဝီၤဖိ ၁၅၀၀၀ဘျဲၣ်ဘၣ်လဲၤဃ့ၢ်စံၣ်အိၣ်ဝဲဆူ မူးဒိၣ်သဝီဒီးကပီၤကပၤသဝီအပူၤန့ၣ် ကညီဒီကလုာ်စၢဖှိၣ်ကရၢထုးထီၣ်တၢ်ကစီၣ်အသိးသ့ၣ်ညါဘၣ်န့ၣ်လီၤ
