ရွၣ်သ့းကိဒီးကီးနွဲး အဘၢၣ်စၢၤ ပှၤသ့သိလ့ၣ်ဖးဒိၣ်လီၢ်ကပၤ တၢ်ဒုးကဲထီၣ်

လါအီကူး ၉သီ၊၂၀၂၃နံၣ်

ကညီကီၢ်စဲၣ် ကီးတရံးကီၢ်ဆၣ် ရွၣ်သ့းကိသဝီဒီးကီးနွဲးသဝီအဘၢၣ်စၢၤ ပှၤသ့သိလ့ၣ်ဖးဒိၣ်လီၢ်ကပၤပယီၤသုးဒီးKNLAသုးပာ်ဖှိၣ်တဖၣ်အဘၢၣ်စၢၤ ထံၣ်လိာ်သးတၢ်ဒုးကဲထီၣ်န့ၣ်သ့ၣ်ညါဘၣ်လၢပှၤနီသိလ့ၣ်ဖးဒိၣ်တဖၣ်အိၣ်န့ၣ်လီၤ

လါအီကူး၈သီ စးထီၣ်ဖဲ ဟါခီ၅နၣ်ရံၣ်န့ၣ် ပယီၤသုးဒီးKNLAသုးပာ်ဖှိၣ်တဖၣ်အဘၢၣ်စၢၤ ထံၣ်လိာ်သးတၢ်ဒုးကဲထီၣ်ခံနၣ်ရံၣ်ဃၣ်ဃၣ်ဒီး ပယီၤသုးတကပၤဟဲထီၣ်ဝဲဒီးသုးဂံၢ်ဘါအါအါဂီၢ်ဂီၢ်အဃိ တၢ်ဒုးကဲထီၣ်ဒ်အံၤန့ၣ် ပှၤနီသိလ့ၣ်လၢထံၣ်တၢ်ကဲထီၣ်သးဒီးမဲာ်တဂၤစံးဝဲန့ၣ်လီၤ

“စးထီၣ်ဖဲဟါခီ ၅နၣ်ရံၣ်တုၤ ၇နၣ်ရံၣ်ဘျဲၣ်တၢ်ခံးလီၤမးပတုၤန့ၣ်လီၤ ပဝဲသိလ့ၣ်တဖၣ်ပပာ်ဃးဖဲ ကစၢၢ်ခီၣ်ထံးလီၤ အိၣ်ခးစၢၤလီၤကျိဖးဒိၣ်လၢ ကီးတရံးဒီးထီၣ်သုးကျိၤ အဝဲသ့ၣ်ဟဲထီၣ်ဒီးတၢ်ဒုးကဲထီၣ်လီၤ သုးဂံၢ်ဘါအါလီၤ ထဲလဲာ်န့ၣ်တသ့ၣ်ညါဘၣ် ပဘၣ်အိၣ်တဒၢသးအဃိ”န့ၣ်အဝဲစံးဝဲလီၤ

ပယီၤသုးဒီးKNLAသုးပာ်ဖှိၣ်တဖၣ်အဘၢၣ်စၢၤခံခီခံကပၤထံၣ်လိာ်သးတၢ်ဒုးကဲထီၣ်အဃိ ပှၤနီသိလ့ၣ်တဂၤဘၣ်ဒိဒီးသိလ့ၣ်ဖးဒိၣ်တနီ ကျိချံလီၤဘၣ်န့ၣ်အဝဲတဲအါထီၣ်ဝဲလီၤ

“ဘၣ်န့ၣ်ပသိလ့ၣ်တဖၣ်လီၤ အဝဲသ့ၣ်ဟံးန့ၣ်လီၢ်တဒၢဒီးပသိလ့ၣ်ခးဝဲအဃိပနၣ်ဟူပှၤနီသိလ့ၣ်ဘၣ်ဒိတဂၤလီၤ တသ့ၣ်ညါလီၤတံၢ်ဘၣ် တဂီၤအံၤတၢ်အိၣ်သးဂ့ၤအဃိ ပဟဲက့ၤကဒါခိၣ်က့ၤလီၤ”န့ၣ်အဝဲစံးဝဲလီၤ

ခီဖျိခံခီခံကပၤတၢ်ဒုးကဲထီၣ်အဃိ သိလ့ၣ်ဖးဒိၣ်သၢခိၣ် ကျိချံလီၤဘၣ်န့ၣ်ပှၤနီသိလ့ၣ်ဖးဒိၣ်တဂၤစံးဝဲဒၣ်န့ၣ်လီၤ

“တလၢကီးတရံး တချူးတုၤလၢ အ့ရှါကစၢၢ်ကျဲဖီခိၣ် ထံကျးအလီၢ် ကရၢၤပူၤ သိလ့ၣ်သၢခိၣ် ကျိချံလီၤဘၣ်လီၤ ပှၤပာ်လီၤဃးသုးက့ဖဲတၢ်ကပၤန့ၣ်ဖးယံာ်လံ”န့ၣ်အဝဲစံးဝဲလီၤ

တကးဒံးဘၣ် ဖဲလါအီကူး ၇သီဂီၤ ဆၢကတီၢ် မၠၣ်ဝတံၣ်-ကီးတရံးအ့ရှါကျဲ ဟီၣ်ခိၣ်လာ်ဒီးသိလ့ၣ်ကျဲဟးဂီၤတကးဒံးဘၣ် မၠၣ်ဝတံၣ်ကစၢၢ်ကျဲဒီးထိၣ်ကီကိၤကျဲတကပၤနာ်က့ ဟီၣ်ခိၣ်လာ်ဒီးကျဲဟးဂီၤအဃိ ဘၣ်ပတုၤကွံာ်သိလ့ၣ်ဟးထီၣ်က့ၤလီၤဒီး ဖဲလါအီကူး ၈သီ ဟါခီဆၢကတီၢ် မၠၣ်ဝတံၣ်-အ့ရှါကျဲလီၢ်လံၤတကပၤ သိလ့ၣ်ဟံၣ်တဖၣ်လဲၤက့ၤန့ၣ်ပှၤနီသိလ့ၣ်တဂၤစံးဝဲန့ၣ်လီၤ

ကညီကီၢ်စဲၣ်ပူၤ ဟီၣ်ကဝီၤတဖၣ်လၢအမ့ၢ်ဝဲ မၠၣ်ဝတံၣ်၊ကီးတရံး၊နိၣ်တကီဝ့ၢ်တကပၤ ထံဒိၣ်တကးဒံးဘၣ် ဟီၣ်ကဝီၤပူၤနာ်က့ ပယီၤသုးဒီးKNLAသုးပၣ်ဖှိၣ်တဖၣ်အဘၢၣ်စၢၤ ထံၣ်လိာ်သးတၢ်ဒုးကဲထီၣ်အိၣ်န့ၣ် သ့ၣ်ညါဘၣ်လၢ KNLA သုးဂံၢ်ခီၣ်ထံးတၢ်ကစီၣ်တဖၣ်အိၣ်န့ၣ်လီၤ