လါအီကူး ၉သီ၊၂၀၂၃နံၣ်
ကညီကီၢ်စဲၣ် မၠၣ်ဝတံၣ်ဝ့ၢ်ပူၤ တၢ်စူၤတပယူာ်ဃီအဃိ ထံဒိၣ်ထီၣ်ဒီးပှၤဘၣ်ကီဘၣ်ခဲထံ ၃၀၀၀ဘျဲၣ်ဘၣ်သဂၢၢ်ဒီးအိၣ်အီအိၣ်ဆိးတၢ်ကီတၢ်ခဲန့ၣ်ပှၤမၤစၢၤတၢ်ကရူၢ်ဖိတဂၤစံးဝဲန့ၣ်လီၤ
လၢမၠၣ်ဝတံၣ်ဝ့ၢ်ပူၤ စးထီၣ်ဖဲ လါအီကူးအထီၣ် တၢ်စူၤတပယူာ်ဃီဒီးဃိာ်လိၣ်ကျိထံထီၣ်အဃိ မၠၣ်ဝတံၣ်ဝ့ၢ် ကဝီၤဒ့တနီအပူၤ ဟံၣ်ဒူၣ်၅၀၀ဘျဲၣ်ပူၤ ဟီၣ်ကဝီၤကမျၢၢ်၃၀၀၀ဘျဲၣ်အံၤ ဆၢကတီၢ်ခဲအံၤဘၣ်သဂၢၢ်ဒီး အီၣ်အိအိၣ်ဆိးတၢ်ကီတၢ်ခဲန့ၣ် သ့ၣ်ညါဘၣ်လၢပှၤမၤစၢၤကမျၢၢ်တဖၣ်အိၣ်န့ၣ်လီၤ
“ဟံၣ်ဒူၣ် ၅၀၀၊၆၀၀ဘျဲၣ်လီၤဘျၢလီၤ ဟံၣ်အိၣ်လၢထံကျိၤတကပၤတဖၣ်လီၤ လိၣ်ဘၣ်ဒၣ်တၢ်အီၣ်တၢ်အီလီၤ ဘၣ်အိၣ်ဝဲဖဲသီခါဖၠၣ်တဖၣ်လီၤတၢ်လိၣ်အရ့ဒိၣ်န့ၣ်အိၣ်ဝဲတၢ်အီၣ်တၢ်အီတမံၤလီၤ အသီတအါအဃိ”န့ၣ်ပှၤမၤစၢၤတၢ်ဖိတဂၤစံးဝဲလီၤ
မၠၣ်ဝတံၣ်ဝ့ၢ်ပူၤကမျၢၢ်လၢဘၣ်ကီဘၣ်ခဲတဖၣ်ပှၤရဲၤကျဲၤန့ၣ်အလီၢ်ဖဲ ကၠခဲးတီသီခါဖၠၣ်၊ကိနဝ့သီခါဖၠၣ်၊တီယးကၠိ၊ဒ့းထဲၣ်အီၣ်၊အီၣ်မ့ၣ်ဂလၣ်၊စန့ၣ်ဆိလီတၢ်ဘါလီၢ်တဖၣ်အပူၤဒီးဘၣ်သဂၢၢ်ဝဲ အီၣ်အီအဂီၤတလၢတကးဒံးဘၣ် တၢ်လီၢ်တအိၣ်န့ၣ်ပှၤအိၣ်လၢ ဒ့းထဲၣ်အီၣ် တဂၤစံးဝဲလီၤ
“တၢ်အီၣ်တၢ်အီန့ၣ်ပှၤဟဲဟ့ၣ်မၤဘူၣ်လီၤ ပှၤကညီအါအဃိ တလၢဘၣ် ထဲဖဲအံၤအိၣ် ၁၀၀ဘျဲၣ်၂၀၀လီၤ တၢ်စူၤအဃိ တၢ်လီၢ်တလၢအိၣ်”န့ၣ်အဝဲစံးဝဲလီၤ
တကးဒံးဘၣ် လၢမၠၣ်ဝတံၣ်ဝ့ၢ်ပူၤ ကမျၢၢ်ဘၣ်ကီဘၣ်ခဲအဂီၤ တၢ်အိၣ်ဆူၣ်အိၣ်ချ့ဒၢးတအိၣ်အဃိဖိသၣ်ဆံးတဖၣ်ဆူးဆါဒီးဘၣ်ဃ့ၣ်အိၣ်အသီအါထီၣ်အဃိ ပှၤမၤဘူၣ်တၢ်လီၤစှၤန့ၣ်သ့ၣ်ညါဘၣ်လၢပှမၤစၢၤတၢ်ကရူၢ်ကရၢဖိအိၣ်န့ၣ်လီၤ
“လိာ်ဘၣ်တၢ်အီၣ်တၢ်အီဒီးကသံၣ်ကသီလီၤ တၢ်စူၤအဃိဖိသၣ်တဖၣ်ဆူးဆါလီၤ တၢ်ဆါဟံၣ်ဒၢးနာ်က့တအိၣ်ဘၣ်လၢအကျါထံဒိၣ်အဃိတၢ်ကီဒိၣ်မးလီၤ အသီအါထီၣ်အဃိပှၤမၤဘူၣ်တၢ်တဟဲလၢၤဘၣ် အခဲအံၤထံဂ့ၤကဒါထီၣ်လ့နာ်က့က့ၤတန့ၣ်ဒံးဘၣ်”န့ၣ်အဝဲစံးဝဲလီၤ
ကညီကီၢ်စဲၣ်ပူၤကညီကီၢ်စဲၣ်ပူၤ ဟီၣ်ကဝီၤတဖၣ်လၢအမ့ၢ်ဝဲ မၠၣ်ဝတံၣ်၊ကီးတရံး၊နိၣ်တကီဝ့ၢ်တကပၤတၢ်စူၤတပယူာ်ဃီဒီးထံဒိၣ်တကးဒံးဘၣ်ဟီၣ်ကဝီၤပူၤနာ်က့ ပယီၤသုးဒီးKNLAသုးပၣ်ဖှိၣ်တဖၣ်အဘၢၣ်စၢၤ ထံၣ်လိာ်သးတၢ်ဒုးကဲထီၣ်အိၣ်န့ၣ် သ့ၣ်ညါဘၣ်လၢ KNLA သုးဂံၢ်ခီၣ်ထံးတၢ်ကစီၣ်တဖၣ်အိၣ်န့ၣ်လီၤ
