ပယီၤသုးတဖၣ် ခးဝဲကမျၢၢ်ဟးထီၣ်က့ၤလီၤလၢ နိၣ်တကီဟီၣ်ကဝီၤပူၤ

လါအီကူး၂သီ၊၂၀၂၃နံၣ်

ကညီကီၢ်စဲၣ် နိၣ်တကီကီၢ်ဆၣ်ပူၤ ပယီၤသုးဝဲၤကျိၤဝဲၤဒၢးတဖၣ် ဘၣ်တၢ်ခးအီဝံၤအလီၢ်ခံ ပှၤဟးထီၣ်က့ၤလီၤလၢဟါခီဆၢကတီၢ်တဖၣ် ပယီၤသုးခးဝဲဒီးကျိန့ၣ်သ့ၣ်ညါဘၣ်လၢဟီၣ်ကဝီၤဖိအိၣ်န့ၣ်လီၤ

ဖဲလါယူၤလ့ ၁၆သီအနံၤ ပယီၤသုးဝဲၤကျိၤဝဲၤဒၢးတဖၣ် လၢအမ့ၢ်ဝဲ ကီၢ်ဆၣ်ပၢၤကီၢ်ဝဲၤဒၢး၊ပၢပြးရူ၊ဟီၣ်စရီရူတဖၣ် ဘၣ်တၢ်ခးလီၤမ့ၣ်ပိၢ်ဒီး ဒြိဝံၤအလီၢ်ခံ ဟါ၆နၣ်ရံၣ်အလီၢ်ခံ ပှၤဟးထီၣ်လ့ၣ်လိၣ်တဖၣ် ပယီၤသုးခးဝဲဒီးကျိန့ၣ် ဟီၣ်ကဝီၤပိာ်မုၣ်တဂၤစံးဝဲန့ၣ်လီၤ

“တၢ်သမံသမိးတဖၣ်န့ၣ် ဟါခီ၆နၣ်ရံၣ် စးထီၣ်ဝဲအဃိ ဘၣ်ပတုၤဆိတၢ်မၤလီၤ အၢထီၣ်န့ၣ်လၢညါလီၤ မ့ထံၣ်လၢကျဲနာ်က့ခးဝဲ မ့ၢ်တလၢ၆နၣ်ရံၣ်တစဲးမးတန့ၣ်ဘၣ် ဟါခီန့ၣ် မ့မ့ၢ်ဂီၤခီန့ၣ်ပှၤသမံသမိးတၢ်တအိၣ်ဘၣ် ခီဖျိခးဝဲဒ်န့ၣ်အဃိပှၤကညီဘၣ်ဒိတအိၣ်ဒံးဘၣ် အဝဲသ့ၣ်မ့တရံးန့ၣ်လဲၤဝဲဒီးသိလ့ၣ်၃ခိၣ်”အဝဲစံးဝဲလီၤ

ဟီၣ်ကဝီၤပိာ်မုၣ်တဂၤနာ်က့ “တၢ်သမံသမိးတဖၣ်န့ၣ်အိၣ်လီၤ လၢကျဲတဖၣ်လၢတြဲၤတဖၣ် မ့ၢ်အိၣ်ပှဲၤလီၢ်လဲၣ်န့ၣ်တသ့ၣ်ညါဘၣ် တၢ်ဆၢကတီၢ်မ့ၢ်တလၢန့ၣ်ခးဝဲလီၤ”န့ၣ်အဝဲစံးဝဲန့ၣ်လီၤ

တကးဒံးဘၣ်ဖဲအပူၤကွံာ် လါယူၤလ့ လၢခံကတၢၤတနွံန့ၣ် ပယီၤသုးစုဖီလာ် (စည်ပင်)ရူဘၣ်တၢ်ခးလီၤမ့ၣ်ပိၢ်ဒီးဒြိဝံၤ ပှၤဘၣ်ဒိတအိၣ်န့ၣ်ဟီၣ်ကဝီၤပိာ်မုၣ်တဂၤစံးဝဲလီၤ

နိၣ်တကီကီၢ်ဆၣ်အပူၤ တၢ်ဒုးတၢ်ဖ့ၣ်ဆၢတအိၣ်သနာ်က့ တၢ်ပၢၢ်ဆၢသုးကရူၢ်အဂုၤအဂၤတဖၣ် နၣ်ဟူဘၣ်လၢမၤဝဲဒြိမံးရှ့ၣ်လၢနိၣ်တကီဝ့ၢ်ပူၤအိၣ်န့ၣ် cloud wings drone ပှၤဘၣ်မူဘၣ်ဒါ ကိၣ်ဟ့ စံးဝဲလီၤ

ပတကပၤနာ်က့ ခးလီၤကျိဖးဒိၣ်ဆူနိၣ်တကီဝ့ၢ်ပူၤ ကိးမုၢ်နံၤဃၣ်ဃၣ်န့ၣ် သ့ၣ်ညါဘၣ်ခီဖျိနိၣ်တကီဝ့ၢ်ဟီၣ်ကဝီၤဖိတဖၣ်စံးဝဲအသိးန့ၣ်လီၤ

ကညီကီၢ်စဲၣ်ပူၤ မၠၣ်ဝတံၣ်၊ကီးတရံး၊ကၠူၤတုၤ၊ဖၣ်ပူၣ်၊သၣ်တီၣ် ကီၢ်ဆၣ်တဖၣ်တကပၤ ပယီၤသုးဒီး KNLAသုးပာ်ဖှိၣ်တဖၣ်အဘၢၣ်စၢၤ တၢ်ဒုးကဲထီၣ်ကိးမုၢ်နံၤဃၣ်ဃၣ်ဒီး ဖၣ်အၣ် ၊လဲဘွဲ တကပၤန့ၣ် ခံခီခံကပၤသုးအတၢ်ဖ့ၣ်ဆၢအိၣ်ထီၣ်န့ၣ်သ့ၣ်ညါဘၣ်န့ၣ်လီၤ

နိၣ်တကီဝ့ၢ်ပူၤ စးထီၣ်လၢလါယူၤ၁သီတုၤ လါအီကူး၂သီအတီၢ်ပူၤ ခီဖျိပယီၤသုးခးလီၤကျိဖးဒိၣ်အဃိ ကမျၢၢ်သံ ၅ဂၤ ဘၣ်ဒိ ၃ဂၤဒီး ဟံၣ်၊သီခါဖၠၣ်ဒီးတၢ်သူၣ်ထီၣ်တဖၣ်ဟးဂီၤအိၣ်န့ၣ် ကညီဒီကလုာ်စၢဖှိၣ်ကရၢ ထုးထီၣ်ရၤလီၤတၢ်ကစီၣ်အသိးသ့ၣ်ညါဘၣ်န့ၣ်လီၤ