မၠၣ်ဝတံၣ်-ကီးတရံး အ့ရှါကျဲတၢ်ဒုးကဲထီၣ်ဝံၤအလီၢ်ခံ သိလ့ၣ်လဲၤတၢ်လီၤဆှၤ

လါယူၤလံ ၂၈သီ၊၂၀၂၃နံၣ်

ကညီကီၢ်စဲၣ် မၠၣ်ဝတံၣ်-ကီးတရံး အ့ရှါကျဲတၢ်ဒုးကဲထီၣ်ဝံၤအလီၢ်ခံ သိလ့ၣ်လဲၤတၢ်လီၤဆှၤန့ၣ် သ့ၣ်ညါဘၣ်လၢ ကီးတရံးဟီၣ်ကဝီၤဖိအိၣ်န့ၣ်လီၤ

မၠၣ်ဝတံၣ်-ကီးတရံး အ့ရှါကျဲဖီခိၣ် KNLAသုးပာ်ဖှိၣ်တဖၣ်ဒီးပယီၤသုးအဘၢၣ်စၢၤဖဲလါယူၤလံ ၂၇သီမုၣ်ထူၣ်၁၁နၣ်ရံၣ်တခီဆၢကတီၢ် တၢ်ဒုးကဲထီၣ်ဝံၤအလီၢ်ခံ အ့ရှါသိလ့ၣ်ကျဲကးတံၢ်သးကဲထီၣ်န့ၣ်လီၤ

ဆၢကတီၤခဲအံၤ ကီးတရံးဝ့ၢ်ပူၤ KNLAသုးပာ်ဖှိၣ်တဖၣ်ဒီးပယီၤသုးအဘၢၣ်စၢၤ ခံခီခံကပၤတၢ်ဒုးတၢ်ဖ့ၣ်ဆၢကဲထီၣ်သးတကးဒံးဘၣ်ပယီၤသုးတကပၤဃ့စ့အဃိ သိလ့ၣ်လဲၤတၢ်လီၤဆှၤန့ၣ်ဟီၣ်ကဝီၤဖိစံးဝဲလီၤ

“သိလ့ၣ်လဲၤလီၤဆှၤလီၤ ဘၣ်ကွာ်တၢ်ဒုးဘၣ်လဲၤဝဲ ဝံၤန့ၣ်လၢကျဲတြဲၤတဖၣ်အိၣ်လီၤ စးထီၣ်လၢကစၢၢ်ကျဲထီၣ်တုၤကီးတရံးန့ၣ်လၢၤ၁၀၀၀၀၀လီၤအဃိသိလ့ၣ်လဲၤတၢ်ဆှၤလီၤ”န့ၣ်ကီးတရံးဝ့ၢ်ဟီၣ်ကဝီၤဖိစံးဝဲဒၣ်လီၤ

တကးဒံးဘၣ်ကီးတရံးဝ့ၢ်ပူၤတၢ်ဒုးကဲထီၣ်ကိးမုၢ်နံၤဃၣ်ဃၣ်အဃိ မၠၣ်ဝတံၣ်-ကီးတရံး အ့ရှါကျဲပှၤနီသိလ့ၣ်ဖိတဖၣ်ဘၣ်ကွာ်တၢ်ဒုးတၢ်အိၣ်သးဒီးဘၣ်နီဝဲန့ၣ်ပှၤနီသိလ့ၣ်တဖၣ်စံးဝဲလီၤ

“ဘၣ်ကွာ်နီသိလ့ၣ်လီၤ ဖဲမဟါတၢ်ဒုးကဲထီၣ်လၢကမဲၣ်ကိအဃိကျဲပံးသးလီၤ ပယီၤသုးနာ်က့ခးလီၤကျိဖးဒိၣ်မီတနံၤအံၤသိလ့ၣ်လဲၤတၢ်ဆှၤလီၤ ဘၣ်ကွာ်တၢ်အိၣ်သးဒီးဘၣ်လဲၤဝဲလီၤ”ပှၤနီသိလ့ၣ်ဖိတဂၤစံးဝဲလီၤ

ဖဲအပူၤကွံာ်လါယူၤလံ ၂၀သီခါနာ်က့ တၢ်ဒုးကဲထီၣ်လၢပယီၤသုးဒီးKNLAသုးပာ်ဖှိၣ်တဖၣ်အဘၢၣ်စၢၤအဃိ ကျဲကးတံၢ်သးကဲထီၣ်ဒံးန့ၣ်လီၤ

ကညီကီၢ်စဲၣ် ကီးတရံး၊မၠၣ်ဝတံၣ်၊နိၣ်တကီဒီးဖၣ်ပူၣ်ဝ့ၢ်သ့ၣ်တဖၣ်အပူၤတၢ်ဒုးကဲထီၣ်ကိးမုၢ်နံၤဒီးပယီၤသုးလီၤကျိဖးဒိၣ်ဆူသဝီပူၤကိးမုၢ်နံၤန့ၣ်လီၤ