ပယီၤသုးဆီလီၤလီၢ်တီၣ်ကလ့ ပၢၤကီၢ်ဝဲၤဒၢး ဘၣ်တၢ်ခးအီဒီး ဒြိ

လါယူၤလံ ၂၄သီ၊၂၀၂၃နံၣ်

တလၢၤကီၢ်စဲၣ် ကၠးမယီ ဝ့ၢ်ပူၤ ပယီၤသုးမီၤစိရိၤဆီလီၤလီၢ် တီၣ်ကလ့ပၢၤကီၢ်ဝဲၤဒၢး ဘၣ်တၢ်လဲၤခးလီၤမ့ၣ်ပိၢ်ဒီးဒြိခီဖျိ KNLAသုးပာ်ဖှိၣ်တဖၣ်န့ၣ် သ့ၣ်ညါဘၣ်လၢ နဂနံၣ်သုးကျိၤထုးထီၣ်တၢ်ပရၢအသိးန့ၣ်လီၤ

ဖဲလါယူၤလ့ ၂၃သီနံၤမုၣ်ထူၣ်၁၂နၣ်ရံၣ် ဃၣ်ဃၣ်ဆၢကတီၢ် နဂနံၣ်သုးကျိၤ၊Federal wings dron ဒီးသုးရ့ၣ်၁၆သုးတဖၣ် လဲၤခးလီၤ တိီၣ်ကလ့ပၢၤကီၢ်ဝဲၤဒၢးဒီး ၆၀မ့ၣ်ပိၢ် ၄ဖျၢၣ်န့ၣ်လီၤ ခီဖျီဘၣ်တၢ်ခးလီၤဒ်အံၤအဃိ တီၣ်ကလ့ပၢၤကီၢ်ဝဲၤဒၢးပူၤ ပယီၤသုးဖိသံသၢဂၤဒီးဘၣ်ဒိခံဂၤန့ၣ် နဂနံၣ်သုးကျိၤ သုးကျိၤခိၣ်ခံ Ko Heinစံးဝဲန့ၣ်လီၤ

“တီၣ်ကလ့ ပၢၤကီၢ်ဝဲၤဒၢးပူၤ သုးဂံၢ်ဘါကအိၣ် ၅၀၊၆၀လီၤ အဝဲသ့ၣ်တကပၤက့ၤခးကဒါဒြိလီၤ”န့ၣ်အဝဲစံးဝဲလီၤ

ဖဲလါယူၤလံ ၂၃သီ ဂီၤ ၁၀နၣ်ရံၣ် ၃၀မံးနံးဃၣ်ဃၣ်ဆၢကတီၢ် တကူၣ်တၢၣ်သဝအဃၢၢ် နၣ်ဟူပှၤခးတၢ်ဒီးဒြိကလုာ်န့ၣ်ဟီၣ်ကဝီၤဖိစံးဝဲန့ၣ်လီၤ

“ခးဝဲဒီးဒြိကအိၣ်လၢ ၅ဝီလံအခဲ ကိးမုၢ်နၤနၣ်ဟူဘၣ်၄ဖျၢၣ်၅ဖျၢၣ်လီၤ မ့ၢ်အိၣ်ခးဝဲဖဲလဲၣ်တသ့ၣ်ညါဘၣ် တဂီၤအံၤတၢ်ကိၣ်အဃိနၣ်ဟူဘၣ်၅ဖျၢၣ်၆ဖျၢၣ်လံ ဒြိကလုာ်လီၤ”န့ၣ်အဝဲစံးဝဲလီၤ

ဆၢကတီၢ်ခဲအံၤ နိၣ်တကီကီၢ်ဆၣ် ချၢၣ်-တကူၣ်တၢၣ်သဝီကရူၢ်ပူၤ ဟီၣ်ကဝီၤတၢ်ပၢၢ်ဆၢသုးတဖၣ် ဟံးန့ၣ်ဃးဟီၣ်ကဝီၤတၢ်ဒိၣ်စိန့ၣ် နဂနံၣ်သုးကျိၤ သုးကျိၤခိၣ်ခံ Ko Hein စံးဝဲလီၤ

ဖဲအပူၤကွံာ် လါယူၤလံ ၁၁သီတုၤ ၁၇သီအတီၢ်ပူၤ နိၣ်တကီကီၢ်ဆၣ် ည့ချဲမၠ့ၣ် (စ့းတးသုးခး သီခါဖၠၣ်)ကစၢၢ်ခိၣ် ပယီၤသုးမီၤစိရိၤဒီးKNLAသုးပာ်ဖှိၣ်တဖၣ်အဘၢၣ်စၢၤတၢ်ဒုးကဲထီၣ်ဝံၤအလီၢ်ခံ နၣ်ဟူဘၣ်မ့ၣ်ပိၢ်ဒြိသီၣ်ကိးမုၢ်နံၤဃၣ်ဃၣ်န့ၣ်သ့ၣ်ညါဘၣ်ခီဖျိဟီၣ်ကဝီၤဖိတဖၣ်စံးဝဲအသိးန့ၣ်လီၤ

တကးဒံးဘၣ် ကညီကီၢ်စဲၣ်ဒီးတလၢၤကီၢ်စဲၣ်ပူၤပယီၤသုးမီၤစိရိၤသုးကလၢၤ၊ပယီၤသုးမီၤစိရိၤပၢၤကီၢ်ဝဲၤဒၢး၊တၢ်သမံသမိးတြဲၤဒီးပယီၤသုးစုဖီလာ် ရူတဖၣ်ဘၣ်တၢ်ခးလီၤဒီးဒြိတယူၤဃီန့ၣ်လီၤ