တၢ်ကစီၣ်ရၤလီၤသးလၢၦၤကထုးထီၣ်စ့ပယီၤခံကလးတၢ်အဃိ စ့ပယီၤအၦ့ၤလီၤအဖီခိၣ် တၢ်ပီးတၢ်လီတဖၣ်အပှ့ၤထီၣ်

လါယူၤလံ ၂၄သီ၊၂၀၂၃နံၣ်

တၢ်ကစီၣ်ရၤလီၤသးလၢၦၤကထုးထီၣ်စ့ပယီၤခံကလးဝံၤအလီၢ်ခံ ကညီကီၢ်စဲၣ် ကီးတရံးဝ့ၢ်ပူၤ တၢ်ဖိတၢ်လံၤတဖၣ်အပှ့ၤထီၣ်န့ၣ် ဟီၣ်ကဝီၤဖိစံးဝဲန့ၣ်လီၤ

ဖဲအပူၤကွံာ် လါယူၤလ့ ၂၃သီ ဂီၤအဆၢကတီၢ် တၢ်ကစီၣ်ရၤလီၤသးလၢၦၤကထုးထီၣ်စ့ပယီၤခံကလးဝံၤအလီၢ်ခံ လၢမုၢ်ထူၣ်ဆၢကတီၢ်တၢ်ပီးတၢ်လီတဖၣ်အပှ့ၤထီၣ်န့ၣ်သ့ၣ်ညါဘၣ်လၢ ကီးတရံးဝ့ၢ်ဟီၣ်ကဝီၤဖိစံးဝဲန့ၣ်လီၤ

“လၢဖၠါပူၤပှၤကညီတအိၣ်ဘၣ် သိပှ့ၤ ၅ liter န့ၣ်၂၃၀၀၀လံ တုၤဖဲမဟါန့ၣ် ၂၁၀၀၀လီၤ ဃုသးနာ်က့ဖဲမဟါ ၆တလီး တထၢၣ်န့ၣ် ၂၂၀၀၀ တဂီၤအံၤ ၂၅၀၀၀ ဂီၤခီတၢ်ကစီၤဟးထီၣ်ဒီးမုၣ်ထူၣ်န့ၣ်တၢ်ပှ့ၤထီၣ်လီၤ”န့ၣ်ကီးတရံးဝ့ၢ်ဟီၣ်ကဝီၤဖိစံးဝဲန့ၣ်လီၤ

တကီၢ်ခါခဲအံၤ ကီးတရံးဝ့ၢ်ပူၤ ပယီၤသုးမီၤစိရိၤဒီးKNLAသုးပာ်ဖှိၣ်တဖၣ်အဘၢၣ်စၢၤ တၢ်ဒုးကဲထီၣ်ကိးမုၢ်နံၤဃၣ်ဃၣ်ဒီး ဟီၣ်ကဝီၤကမျၢၢ်တဖၣ် ဘၣ်ကီဘၣ်ခဲလၢအီၣ်အီအိၣ်ဆိးအဂီၤတကးဒံးဘၣ် တၢ်ဖိတၢ်လံၤတဖၣ်အပှ့ၤထီၣ်အဃိ ဟီၣ်ကဝီၤဖိတဖၣ်ဘၣ်သဂၢၢ်အါထီၣ်ဒီးတၢ်ကီတၢ်ခဲန့ၣ်သ့ၣ်ညါဘၣ်န့ၣ်လီၤ

“တၢ်ကီတၢ်ခဲတဖၣ်ဟဲအါထီၣ် အခဲဝ့ၢ်ကပၤတၢ်ဒုးကဲထီၣ်ကိးမုၢ်နံၤလီၤ ကျဲနာ်က့တဂ့ၤဘၣ် အဃိတၢ်ပှ့ၤထီၣ် အခဲတၢ်ကစီၣ်ဟးထီၣ်လၢစ့ခံကလးကဟးထီၣ်အဃိ တၢ်အပှ့ၤထီၣ်တဘျီဃီလီၤ အဃိကီခဲအါထီၣ်လီၤ”န့ၣ်ဟီၣ်ကဝီၤဖိစံးဝဲန့ၣ်လီၤ

တကးဒံးဘၣ် တၢ်ကစီၣ်ရၤလီၤသးလၢၦၤကထုးထီၣ်စ့ပယီၤခံကလးအလီၢ်ခံ စ့ပယီၤအၦ့ၤလီၤအဖီခိၣ်ကီၢ်ကၠီၣ်တဲၣ်–ကီၢ်ပယီၤကီၢ်ဆၢ တၢ်ဆှၢစ့တၢ်မၤအိၣ်ပတုာ်သးန့ၣ်သ့ၣ်ညါဘၣ်လၢဟီၣ်ကဝီၤဖိအိၣ်န့ၣ်လီၤ