ပယီၤသုးဆီလီၤသးဖဲကီးတရံး ခလရ ၉၇ မဲာ်ညါကျိဖးဒိၣ်လီၤတဲၣ်ပိၣ်ဖးထီၣ်

လါယူၤ ၃၀ ၊၂၀၂၃ နံၣ်

ကညီကီၢ်စဲၣ် ပယီၤသုးလၢဆီလီၤသးဖဲ ကီးတရံး ၉၇ သုးမဲာ်ညါ ဖဲလါယူၤ ၂၉ သီ ဟါ ၅နၣ်ရံၣ် ၄၅ မံးနံးဃၣ်ဃၣ်ဆၢကတီၢ် ကျိဖးဒိၣ်လီၤတဲၣ်ပိၣ်ဖးထီၣ်သၢဖျၢၣ်န့ၣ် သ့ၣ်ညါဘၣ်လၢဟီၣ်ကဝီၤဖိတဖၣ်အိၣ်န့ၣ်လီၤ

ကီးတရံးဝ့ၢ်အဃၢၢ် ဖှီၣ်စုကဝဲၤကရူၤကရၢလၢတသ့ၣ်ညါအမံၤတဖု ဖဲအပူၤကွံာ် လါယူၤ ၂၈ သီဒီး ၂၉ သီ နံၤတဖၣ်အခါ လဲၤခးလီၤကျီဖးဒိၣ်ဆူ ပယီၤသုးလၢဆီလီၤသးဖဲ ကီးတရံးဝ့ၢ် ခလရ ၉၇ မဲာ်ညါန့ၣ် ကီးတရံးဝ့ၢ်ဟီၣ်ကဝီၤဖိတဂၤတဲဝဲန့ၣ်လီၤ

“လီၤတဲၤသၢဖျၢၣ်လၢ ၉၇ မဲာ်ညါလီၤ မဟါတနံၤန့ၣ်ဒုပှၤကညီဘၣ်ဒိတအိၣ်ဘၣ် အိၣ်ခးဝဲလၢပှၢ်ပူၤတကပၤလီၤ မ့ၢ်ဖဲလဲၢ်တဖုခးလဲၤန့ၣ်တသ့ၣ်ညါဘၣ် ဖဲ ၂၈ ဧသီန့ၣ်လီၤတဲၤဖဲ၉၇ ကပၤ သ့ၣ်ပှၢ်ရူအဃိ ဖါတံၢ်လၢမၤအီၤ carry တဂၤသံလီၤ “န့ၣ်အဝဲတဲလီၤ

ဖဲအပူၤကွံၤ လါယူၤ ၂၈ သီ ဖှီၣ်စုကဝဲၤကရူၤကရၢလၢတသ့ၣ်ညါအမံၤတဖုခးလီၤကျိဖးဒိၣ်အဃိ ပှၤအိၣ်ဖဲသ့ၣ်ပှၢ်ရူမဲာ်ညါ သးနံၣ် ၅၂ နံၣ် စိမၠ့းသံဒီး ဟီၣ်ကဝီၤဖိသၢဂၤဘၣ်ဒိန့ၣ် သ့ၣ်ညါဘၣ်န့ၣ်လီၤ
“သ့ၣ်ပှၢ်ရူမဲာ်ညါ မ့ၤချိၣ်အူ အပုၢ်ပိၣ်မုၣ်အဝၣ် ဘၣ်ဒိလီၤ မ့ၣ်ချိၣ်အူန့ၣ်မၤတၢ်ဖဲရူ အတံဝဲန့ၣ်ဖဲသုးက့ၤသိလ့ၣ်အဖၢမုၢ် လီၤတဲၤဖဲသိလ့ၣ်ဖီခိၣ်တီတီ ဒီးသံတဘျီဃီလီၤ အဟၢဖၢသ့ၣ်ဖး သိလ့ၣ်နာ်က့ဟါဂီၤလၢၤလီၤ သိလ့ၣ်ယီၢ်န့ၣ်မ့ၣ်အူအီၣ်လီၤ ပိၣ်မုၣ်လၢဟးထီၣ်ဖဲသိကျးတဂၤခီန့ၣ်ဘၣ်ဒိဒီးအက့ အဝဲန့ၣ်ဘၣ်တၢ်ဆှၢဆူ တီၤကလ့တၢ်ဆါဟံၣ်လီၤ “န့ၣ်ကမျၢၢ်လၢတအဲၣ်ဒိးပာ်ဖျါအမံၤတဂၤစံးဝဲန့ၣ်လီၤ

ဘၣ်ဃးဒီးတၢ်ခးလီၤကျိဖးဒိၣ်တဘျီအံၤ ဖှီၣ်စုကဝဲၤကရူၤကရၢဖဲလဲၢ်တဖုလဲၢ်န့ၣ် ပဖါစံၣ်သဲၣ်တၢ်ကစီၤသန့ တသ့ၣ်ညါလီၤတံၢ်လီၤဆဲးဒံးဘၣ်န့ၣ်လီၤ

ကီးတရံးဝ့ၢ်ဒီးအဃၢၢ် ပယီၤသုးဒီးKNLAသုးပာ်ဖှိၣ်တဖၣ်အဘၢၢ်စၢၢ် သုးအတၢ်ဖ့ၣ်ဆၢတဖၣ်ကဲထီၣ်ဒီး ပယီၤသုးတကပၤခးလီၤကျိဖးဒိၣ်အဃိ ကီးတရံးဝ့ၢ်ဒီးအဃၢၢ်သဝီတဖၣ်အပူၤ ကျိဖးဒိၣ်လီၤတဲၣ်ပိၣ်ဖးထီၣ်ဒီး တလါအတီၢ်ပူၤ ကမျၢၢ်ဘၣ်ဒိအဂၤ ၁၀ဘျဲၣ်ဒီး သံ ၄ဂၤလံန့ၣ်သ့ၣ်ညါဘၣ်န့ၣ်လီၤ