ပျီတပိၣ် ပှၤဃ့ၣ်တၢ်ဒုးအလီၢ် ဖိသၣ်တဖၣ်ကမၤလိလံာ်အဂီၤ လိၣ်ဘၣ်တၢ်ပီးတၢ်လီတဖၣ်လိၣ်

လါယူၤ ၂၃ ၊၂၀၂၃ နံၣ်

ကညီကီၢ်စဲၣ် လ့က့ၤကီၤ ဟီၣ်ကဝီၤပူၤ ပျီတပိၣ် ပှၤဃ့ၣ်တၢ်ဒုးဒဲကဝီၤအပူၤ ဖိသၣ်တဖၣ်မၤလိလံာ်ကန့ၣ်အဂီၤ တၢ်ကွဲးလံာ်တၢ်ဖိတၢ်လံၤတဖၣ်လိၣ်န့ၣ် သ့ၣ်ညါဘၣ်လၢပှၤမၤစၢၤပှၤဃ့ၣ်တၢ်ဒုးဖိတဖၣ်အိၣ်န့ၣ်လီၤ

၂၀၂၃-၂၀၂၄ တၢ်မၤလိနံၣ်အဂီၤ ပျီတပိၣ် ဃ့ၣ်တၢ်ဒုးလီၢ် ကၠိအပူၤ ဖိသၣ်ကမၤလိလံာ်နီၢ်ဂံၢ် အိၣ် ၁၅၆ ဂၤ၊သရၣ် သရၣ်မုၣ်သိၣ်လိတၢ်အိၣ် ၁၆ ဂၤဒီး ကဘၣ်တၢ်အိးထီၣ်ကၠိဖဲလါယူၤ ၂၆ သီအနံၤအဂီၤ တၢ်တိၤအိၣ်န့ၣ် ပှၤလၢမၤစၢၤတၢ်တဂၤစံးဝဲလီၤ

ကၠိအဂီၤလိၣ်လၣ် ခီပ့ၣ်၊ကၠိဆ့ကၣ်၊ခိၣ်မီၣ်၊လိၣ်ဘၣ်ကၠိတၢ်ပီးတၢ်လီတနီန့ၣ်သ့ၣ်ညါဘၣ်န့ၣ်လီၤ

ပျီတပိၣ်ကၠိအပူၤ ဖိသၣ်လၢကမၤလိလံာ်တဖၣ် စးထီၣ်ဖဲသးနံၣ် ၄နံၣ်ဘျဲၣ် တုၤ သးနံၣ် ၁၅နံၣ်လီၤ ဖိသၣ်ဆံးတဖၣ်ပှၤကသိၣ်လိန့ၣ်ဝဲ ပယီၤ၊ကိၣ်လၣ်ဝါ၊ယိၤ၊တရူးလံာ်တဖၣ်န့ၣ်အတဲတဲအါထီၣ်ဝဲလီၤ
တကးဒံးဘၣ် ပှၤက့ၤအိၣ်ဖဲလ့က့ၤကီၤဝ့ၢ်သီပူၤဟီၣ်ကဝီၤဖိသၣ် တဖၣ် မၤလိလံာ်ဖဲ လ့က့ကီၤတီၤထီကၠိဒီး ကညီတၢ်ကူၣ်ဘၣ်ကူၣ်သ့ KECD ဒီးပယီၤသုးပာ်ဖှိၣ်ပဒိၣ်ကၠိအံၤက့ၤအိးထီၣ်ဝဲဒီးကၠိဖိနီၢ်ဂံၢ်အိၣ် ၈၀ဃၣ်ဃၣ်န့ၣ်လီၤ
ဟ