ပယီၤသုးခးလီၤကျိဖးဒိၣ်အဃိ တခူၢ်တၢၢ်သဝီပူၤဟီၣ်ကဝီၤဖိဘၣ်ဒိခံဂၤ

လါယူၤ ၂၀၊၂၀၂၃နံၣ်

ကညီကီၢ်စဲၣ် နိးတကီကီၢ်ဆၤ တခူၢ်တၢၢ်သဝီပူၤ ပယီၤသုးခးလီၤကျိဖးဒိၣ်အဃိ ဟီၣ်ကဝီၤဖိခံဂၤဘၣ်ဒိဒီးကျိဖးဒိၣ်န့ၣ်သ့ၣ်ညါဘၣ်လၢဟီၣ်ကဝီၤဖိအိၣ်န့ၣ်လီၤ

လါယူၤအသီ၂၀ ဟါ ၆နၣ်ရံၣ်ဃၣ်ဃၣ်ဆၢကတီၢ် ပယီၤသုးဆီလီၤသးဖဲ အဘံးသဝီ ကျိဖးဒိၣ်လုၣ် အမတ ၃၁၈သုးရ့ၤ ခးလီၤ ၁၂၀ မမ ကျိဖးဒိၣ်ဆူ တခူၢ်တၢၢ်သဝီပူၤအဃိ သးနံၣ် ၁၆နံၣ်ဃၣ်ဃၣ် ပိၣ်ခွါဖိခံဂၤ ဘၣ်ၢ်ိလၢအယီၤဒ့ဒီးကျီဖးဒိၣ်အက့န့ၣ် တခူၢ်တၢၢ်သဝီပူၤပိၣ်မုၣ်တဂၤတဲဝဲလီၤ

“ခးဝဲ၅ဖျၢၣ် ပနၣ်ဟူပိၣ်ဖးထီၣ်လၢအမဲာ်ညါခံဖျၢၣ်လီၤ လၢသၢဖျၢၣ်န့ၣ်ပနၣ်ဟူဒၣ်ဟးထီၣ်အကလုာ်လီၤ ပတနၣ်ဟူပိၣ်ဖးကလုာ်ဘၣ် လဲၤဘၣ်ဖဲကဝီၤဒ့၅လီၤ ကိၣ်လၣ်သူတကပၤ ပိၣ်ခွါဖိတဖၣ်လီၤ ၁၆ ၁၇ နံၣ်ဃၣ်ဃၣ်ဖိတဖၣ်လီၤ လၢအတဂၤန့ၣ်ဘၣ်ဖဲစုလီၤ “န့ၣ်အဝဲတဲလီၤ

ပှၤလၢဘၣ်ဒိခံဂၤဘၣ်တၢ်ဆှၢထီၣ်ယါဘျါအီဆူ တီၣ်ဒံ တၢ်ဆါဟံၣ်ဒီးလၢဘၣ်ဒိဖဲအယီၤဒ့တဂၤန့ၣ်တၢ်ဘၣ်ယိၤအိၣ်န့ၣ်လီၤ

တကးဒံးဘၣ် ဖဲတနံၤအံၤ အသီ ၂၀ဂီၤအဆၢကတီၢ်နာ်က့ ပယီၤသုးခးလီရတၢ်ဒီးကျီဖးဒိၣ်န့ၣ်ဟီၣ်ကဝီၤဖိတဲဝဲန့ၣ်လီၤ

ပှၤလၢဟံးန့ၣ်ဃးဟီၣ်ကဝီၤစိကမီၤဖဲ နိးတကီဒီးဃိၣ်သၢဖျၢၣ် လၢအမ့ၢ် KNLA ဒီးပာ်ဖှိၣ်သုးတဖၣ်လၢအမ့ၢ်ဝဲ SOF နဂနံၤ သုးကျီၤပှၤဘၣ်မူဘၣ်ဒါတဖၣ် ပဆဲးကျိးသံကွာ်နာ်က့ ဘၣ်ဃးဒီးဟီၣ်ကဝီၤတၢ်အိၣ်သးန့ၣ်တစံးဆၢက့ၤဝဲဒံးဘၣ်န့ၣ်လီၤ

စးထီၣ်ဖဲအပူၤကွံာ်လါယူၤ ၁၇သီ ပယီၤသုးခးလီၤကျီဖးဒိၣ်ဆူတခူၢ်တၢၢ်သဝီပူၤတပယူၤဃီအဃိ ဟံၣ်ဟးဂီၤတ ဖျၢၣ်လီၤ