လါယူၤ ၁၄ သီ ၊၂၀၂၃နံၣ်
ပယီၤသုးဟံးန့ၣ်ထံကီၢ်စိကမီၤဝံၤအလီၢ်ခံ ကညီကီၢ်စဲၣ်ပူၤတၢ်ဒုးလၢကဲထီၣ်သးတဖၣ်အဃိ ပှၤလၢဘၣ်ပာ်တ့ၢ်တၢ်အိၣ်တၢ်ဆိးအလီၢ်ဒီးဘၣ်ဃၣ်တၢ်ဒုးကမျၢၢ်နီၢ်ဂံၢ်အိၣ်ထီၣ် ၆၀၀,၀၀၀ဃၣ်ဃၣ်န့ၣ် သ့ၣ်ညါဘၣ်လၢကညီဂ့ၢ်ဝီခွဲးယာ်KHRG အိၣ်န့ၣ်လီၤ
ကမျၢၢ်လၢဘၣ်ဃ့ၣ်တၢ်ဒုးတဖၣ်အဂီၤ တၢ်စူၤခါဆၢကတီၢ်အဂီၤ မိကၣ်လၢအကျၢၤ ၊တၢ်အိၣ်တၢ်ဆိးအလီၢ်၊ကသံၣ်ကသီဒီး လိၣ်ဘၣ်တၢ်အီၣ်တဖၣ်န့ၣ် KHRG ပှၤဘၣ်မူဘၣ်ဒါတဂၤတဲဝဲန့ၣ်လီၤ
“ကတီၢ်ခဲအံၤ ကညီကီၢ်စဲၣ်ပူၤ ပှၤဃ့ၣ်တၢ်ဒုးနီၢ်ဂံၢ်အံၤ ကအိၣ်လၢ ၆၀၀,၀၀၀ဃၣ်ဃၣ်န့ၣ်လီၤ တၢ်စူၤခါဆၢကတီၢ် ပှၤဃ့ၣ်တၢ်ဒုးဖိတဖၣ်အဂီၤ လိၣ်ဘၣ်အရ့ဒိၣ်ကတၢၢ်မ့ၢ်တၢ်အိၣ်တၢ်ဆိးအလီၢ်၊တၢ်ခိၣ်ဒုးလၢအကျၢၤ ၊တၢ်အိၣ်ဆူၣ်အိၣ်ချ့အဂီၤကသံၣ်ကသီဒီးတၢ်အီၣ်တၢ်အီတဖၣ်လီၤ”န့ၣ်အဝဲတဲလီၤ
ကညီကမျၢၢ်ဃ့ၣ်တၢ်ဒုးဖိတဖၣ်အဂီၤ တၢ်လၢလိၣ်တဖၣ် ဒ်သိးကန့ၣ်ဘၣ်ဝဲအဂီၤ ကညီတၢ်ကရၢကရိတဖၣ် ပာ်ဖှိၣ်မၤစၢၤသကိးဝဲအသိးလၢတၢ်အီၣ်တၢ်အီ တၢ်အိၣ်တၢ်ဆိးအလီၢ်အဂီၤ CIDKB မၤစၢၤဝဲ တၢ်အိၣ်ဆူၣ်အိၣ်ချ့အဂီၤ KDHW မၤစၢၤဝဲနာ်က့ တၢ်လိၣ်တဖၣ်အိၣ်ဒံးအဖၢမုၢ်န့ၣ်လီၤ
ပယီၤသုးဟံးန့ၣ်ထံကီၢ်စိကမီၣ်ခံနံၣ်အတီၢ်ပူၤ ကီၢ်ပယီၤဒီတဘ့ၣ်အပူၤ ခံခီခံကပၤတၢ်ဒုးကဲထီၣ် ၉၃၀၀ဘျဲၣ်ဒီးကညီကီၢ်စဲၣ်ပူၤတၢ်ဒုးကဲထီၣ်အအါကတၢၢ်န့ၣ် သ့ၣ်ညါဘၣ်လၢ ISP Myanmar စရီသ့ၣ်တဖၣ်အသိးန့ၣ်လီၤ
