သိလ့ၣ်လၢဟးထီၣ်လ့ၣ်လိၣ်လၢ တနီသရံၣ်တလၢၤကီၢ်ဆၤကျဲတဖၣ်ဒ်သိးကလူၣ်ပိၣ်ထွဲအဂီၤ KNU ထုးထီၣ်တၢ်ပရၢ

လါယူၤ ၁၃သီ ၊၂၀၂၃ နံၣ်

တလၢၤကီၢ်စဲၣ် တနီသရံၣ်ကီၢ်စဲၣ်တဖၣ်အပူၤ မီၤလမၠ့ၣ်၊မူးဒိၣ်၊ရ့၊သၣ်ဖၠူၣ်ဇရဲး၊ဘျံး၊ဒဝဲၤ၊နီၢ်ဂံၢ်၈ကျဲမုၤဖးဒိၣ်ဒီဘီဖီခိၣ်သိလ့ၣ်လၢဟးထီၣ်က့ၤလီၤတဖၣ် ကလူၣ်ပိၣ်ထွဲအဂီၤ KNU သုးက့ ၆ ထုးထီၣ်ဝဲတၢ်ပရၢ၄ထံၣ်လၢ လါယူၤအသီ ၁၀န့ၣ်လီၤ

စးထီၣ်ဖဲလါယူၤ ၁၅သီ သိလ့ၣ်လၢဟးထီၣ်လ့ၣ်လိၣ်လၢနီၢ်ဂံၢ် ၈ ကျဲမုၤဖးဒိၣ်အံၤတဖၣ်အံၤ ဖဲKNU သုးဖိတဖၣ်သမံသမိးတၢ်ဆၢကတီၢ် ကတုၤလိၣ်ဝဲဂ့ၤဂ့ၤ ၊ဒ်သိးတတီၣ်ဝဲဘၣ်ဃးဒီးပယီၤသုးတၢ်ပိးတၢ်လီပှၤကညီတဖၣ် ၊ကမျၢၢ်တဖၣ်တအဲၣ်ဒိးဝဲလၢဟးဒိးပီၤပယီၤသုးအသိလ့ၣ်တဖၣ် ဒီး ဖှီၣ်စုကဝဲၤကရူၤကရၢအဂုၤအဂၤတဖၣ်မ့ၢ်သမံသမိးနာ်က့ဒ်သိးကတုၤလိၣ်ဝဲဂ့ၤဂ့ၤ ဂီၤထုးထီၣ်ဝဲတၢ်ပရၢလွံၣ်ထံၣ်န့ၣ်လီၤ

ဘၣ်ဃးဒီးတၢ်ဂ့ၢ်အံၤအဖီခိၣ်ပှၤဘူးဒီး KNU တဂၤတဲဝဲ “ဘၣ်ဃးဒီးကျဲတဘိအံၤန့ၣ် ပယီၤသုးဟဲထီၣ်မီနီ မ့ၢ်တဒီၣ်တဲၢ်ကွံာ်ကျဲဝဲအံၤ အဝဲသ့ၣ်ကမၤအါထီၣ်အဂံၢ်အဘါလီၤ တၢ်ပညိၣ်န့ၣ်မ့ၢ်ဝဲပယီၤသုးလ့ၤတက့ၤဟဲထီၣ်တန့ၣ်အဂီၤ မၤအါထီၣ်သုးအဂံၢ်အဘါတသ့အဂီၤမီနီ သိလ့ၣ်ဖးဒိၣ်တဖၣ်မ့ၢ်တြီဆၢဝဲတန့ၣ်လ့ၤတက့ၤအဃိမ့ၢ်ဟဲတီၢ်ဝဲန့ၣ် ဖဲအလိၣ်အသိးကဘၣ်သမံသမိးဝဲ မ့ၢ်တဲဝဲလ့ၤတက့ၤတန့ၣ်အဃိ ဘၣ်တီၢ်ဝဲန့ၣ် KNU တကပၤတၢ်နၣ်ပၢၢ်ကအိၣ်လၢအဝဲသ့ၣ်အဂီၤလီၤ အဝဲသ့ၣ်မ့ၢ်ဘၣ်ထွဲဒီးပယီၤသုးဧါမ့တမ့ၢ်ဘၣ်ဒီး တသ့ၣ်တဘၣ်အဃိဘၣ်မၤဝဲဧါန့ၣ်ကဘၣ်တၢ်သမံသမိးလီၤ အဝဲသ့ၣ်အတၤမၤအဖီခိၣ်လီၤမိနီ “န့ၣ်အဝဲတဲန့ၣ်လီၤ

တကးဒံးဘၣ်ပယီၤသုးတဖၣ်အံၤသိလ့ၣ်လၢလဲၤဖဲ တလၢၤ တနီသရံၣ် ကျဲတဖၣ်မၢဆူၣ်မၢဆိးဝဲလၢကတီၢ်န့ၣ်အဝဲသ့ၣ်အတၢ်ပီးတၢ်လီတဖၣ်န့ၣ်ပှၤနီသိလ့ၣ်ဖိတဂၤတဲဝဲန့ၣ်လီၤ

“အဝဲန့ၣ်ပတဲပတတီၢ်နာ်က့တန့ၣ်ဘၣ် တီၢ်ထီၣ်န့ၣ်ဆူၣ်ဝဲလီၤ ပာ်လီၤန့ၣ်ပှၤဖဲန့ၣ် ပာ်လီၤန့ၣ်ပှၤဖဲအံၤ ပမ့ၢ်တဲ PDFတဖၣ်ဒီးမ့ၢ်နၣ်ပၢၢ်န့ပှၤဒီးကိညၣ် မ့ၢ်တနၣ်ပၢၤန့ၣ်တၢ်ကီဒိၣ်မးလၢပဂီၤလီၤ”န့ၣ်အဝဲတဲလီၤ

KNU ထုးထီၣ်တၢ်ပရၢအံၤ စးထီၣ်အရ့အိၣ်ဖဲ လါယူၤ ၁၅သီဒီး တၢ်ပရၢမ့ၢ်တဟးထီၣ်အသီန့ၣ်တၢ်ပရၢတဘ့ၣ်အံၤအရ့အိၣ်န့ၣ် သ့ၣ်ညါဘၣ်လၢ ပှၤဘူးဒီး KNU တၢ်ကစီၤဂံၤခီၣ်ထံးတဖၣ်အိၣ်န့ၣ်လီၤ