လါယူၤ ၁၂သီ၊၂၀၂၃နံၣ်
ကညီကီၢ်စဲၣ်ပူၤ ကီးတရ့း၊ကြုၤတုၤ၊နိးတကီ၊ဝ့ရ့ကီၢ်ဆၤပူၤ သဝီတဖၣ်အပူၤ တၢ်ဒုးတအိၣ်နာ်က့ ပယီၤသုးခးလီၤကျိဖးဒိၣ် တ့ၢ်လီၤမ့ၣ်ပိၣ်ဒီးကဘီယူၤအဃိ စးထီၣ်လၢလါအ့ဖြ့ၣ်တုၤလါယူၤ ခံနွံတနွံအတီၢ်ပူၤ သီခါတပါဒီးဟီၣ်ကဝီၤဖိသံအိၣ် ၉ဂၤဒီး ပှၤဘၣ်ဒိအိၣ်၁၇ဂၤလံန့ၣ်လီၤ
ပယီၤသုး ခမရ (၅၄၅-၅၄၆)ခလရ(၃၂၊၉၇၊၂၈၃)၊အမတ(၃၁၇)ဒီးလ့ၣ်ဝကျိဖးဒိၣ်လုာ်တဖၣ်အံၤ ပညိၣ်ဝဲကမျၢၢ်ဒီးခးလီၤကျိဖးဒိၣ်ဆူ ကီၢ်ဆၤ၄ဘ့ၣ်အပူၤသဝီတဖၣ်လၢအမ့ၢ်ဝဲ နံးကရ့ၣ်၊ကမ့ၣ်ကိ၊ရွၣ်တါရှ့ၣ်၊ဆဲၤဖလါ၊ညီၣ်ရ့းသၣ်၊ကီးကၣ် သဝီတဖၣ်အပူၤန့ၣ်လီၤ
ခိဖျိလၢခးလီၤတၢ်ဒ်အံၤအဃိ ကၠိ၄ဖျၢၣ်၊သီခါဖၠါ၂ဖျၢၣ်၊တၢ်ဘါယွၤသရိၤ၃ဖျၢၣ်၊အံးစလ့ၣ်တၢ်ဘါယွၤတၢ်သူၣ်ထီၣ်တဖျၢၣ်၊ဟံၣ်ဟးဂီၤ ၄၀၁ဖျၢၣ်ဒီးမ့ၣ်အူအီၣ်ဟံၣ်ဟးဂီၤ၁၂ဖျၢၣ်န့ၣ် ဒူပလၣ်ယၣ်ကီၢ်ရ့ၤထုးထီၣ်တၢ်ကစီၤအသိးသ့ၣ်ညါဘၣ်န့ၣ်လီၤ
ဆၢကတီၢ်ခဲအံၤ ကီးတရ့းကလံၤစိးတကပၤ အ့ရှါကျဲအဃၢၢ်သဝီတဖၣ်နာ်က့ ပယီၤသုး ခလရ ၉၇ ဒီး လ့ၣ်ဝ ကျိဖးဒိၣ်သုးခးလီၤကျိဖးဒိၣ်ဆူ ဟီၣ်ကဝီၤဖိတဖၣ်အိၣ်န့ၣ်လီၤ
