လါယူၤ ၁၀ သီ၊၂၀၂၃နံၣ်
ကညီကီၢ်စဲၣ် နိးတကီကီၢ်ဆၤအပူၤ ပယီၤသုးစုဖီလာ်ပဒိၣ်ရူဒီးတၢ်သူၣ်ထီၣ်တဖၣ် ဖဲလါယူၤ ၇သီမုၢ်နၤ ၁၂နၣ်ရံၣ်ဒီး လါယူၤ ၈သီမုၢ်နၤ ၇နၣ်ရံၣ် ဘၣ်တၢ်တ့ၢ်လီၤမ့ၣ်ပိၣ်ဒီး dron ခံသီတပယူၤဃီအဃိ ပယီၤသုးခံဂၤသံန့ၣ် သ့ၣ်ညါဘၣ်န့ၣ်လီၤ
နိးတကီကီၢ်ဆၤပူၤ ပယီၤသုးစုဖီလာ် ကီၢ်ဆၤ လဝကရူဒီးဇမံးတၢ်သူၣ်ထီၣ် တဖၣ် KNLA သုးပာ်ဖှိၣ်တဖၣ်ဒီး cloud wings drone သုးတဖၣ်ခးလီၤ ၈၁ မမ မ့ၣ်ပိၣ်သိၣ်တဖၣ်အဃိ တၢ်သူၣ်ထီၣ်တဖၣ်ဟးဂီၤတကးဒံးဘၣ် ပှၤကညီသံ၂ဂၤ ဘၣ်ဒိ ၅ဂၤန့ၣ် cloud wings drone သုးဖိတဂၤတဲဝဲန့ၣ်လီၤ
“ဖဲမဟါတဟါတနံၤန့ၣ် နိးတကီကီၢ်ဆၤပူၤ တၢ်ဒုးကဲထီၣ်ဝံၤအလီၢ်ခံ ပယီၤသုးတဖၣ်တဲပှၤ သုသွံၣ်မ့အိၣ်ဟဲက့ၤ ပသွံၣ်အိၣ် အဃိပလဲၤဟ့ၣ်အီၤတၢ်ဟ့ၣ် ၈၁ မမ မ့ၣ်ပိၣ်၄ဖျၢၣ်လီၤ အီၣ်ဝဲကဝံၤမးလီၤယဆိမိၣ်”န့ၣ်အဝဲတဲလီၤ
ပှၤလဲၤခးဒီး dron ဝံၤအလီၢ်ခံ ပယီၤသုးတကပၤခးလီၤကဒါက့ၤ ၁၂၀ မမ ကျိဖးဒိၣ်န့ၣ် SOF ပှၤဘၣ်မူဘၣ်ဒါတဲဝဲန့ၣ်လီၤ
“ဖဲပလဲၤခးလီၤအခါ ပခးလိၣ်သးတၢ်ဒုးကဲထီၣ်န့ၣ်တအိၣ်ဘၣ် အဝဲသ့ၣ်တကပၤခးလီၤ ၁၂၀ မမ ကျိဖးဒိၣ်လီၤ ကဝီၤဒ့ပူၤ ဒီးအဃၢၢ်သဝီတဖၣ် ခးလီၤဝဲ”န့ၣ်အဝဲတဲန့ၣ်လီၤ
ပဟဲခးလီၤဒီးdronဆူ ပယီၤသုးအိၣ်တၢ်လီၢ်တဖၣ်ဒီးတၢ်သူၣ်ထီၣ်တဖၣ်အံၤန့ၣ်မ့ၢ်ဝဲပယီၤသုးတဖၣ်ဝ့ၢ်ပူၤဝ့ၢ်ချၢဟးသမံသမိးတၢ်ဒီးပာ်လီၤတြဲၤတဖၣ်တကးဒံးဘၣ် မၤသံတၢ်အဃိ ကမၤဝဲလ့ၤတုၢ်လ့ၤတီၤဒီးကဒုးဖျိးဝဲပယီၤသုး ပယီၤပဒိၣ်တဖၣ်န့ၣ်တဲဝဲလီၤ
နိးတကီကီၢ်ဆၤပူၤ တၢ်ဒုးကဲထီၣ်ဖဲလါယူၤ ၂သီဝံၤအလီၢ်ခံ ဟီၣ်ကဝီၤဖိတဖၣ်အိၣ်လၢဟံၣ်တဘူၣ် ဘၣ်ဃ့ၣ်စံၣ်အိၣ်ဝဲဆူ သီခါဖၠါတဖၣ်ဒီး ပယီၤသုးခးလီၤကျိဖးဒိၣ်ကိးမုၢ်နၤဝံၤ လီၤတဲၤပိၣ်ဖးထီၣ်လၢနိးတကီဝ့ၢ်အလီၢ်ခံပျီတကပၤန့ၣ် ကမျၢၢ်လၢထံၣ်ဝဲဒီးမဲာ်တဖၣ်တဲဝဲန့ၣ်လီၤ
