လါမ့ၤ ၇သီ၊၂၀၂၃နံၣ်
ကညီကီၢ်စဲၣ် ကီးတရ့းဝ့ၢ် ကလံၤစိးတကပၤ ရွၣ်တါရှ့ၣ်သဝီပူၤ ဖဲလါယူၤ၇သီ ဂီၤ ၉နၣ်ရံၣ် မံးနံး ၄၀ဆၢကတီၢ် ပယီၤသုးခးလီၤကျိဖးဒိၣ်အဃိ ဖိသၣ်သံတဂၤဒီးဘၣ်ဒိခံဂၤန့ၣ်သ့ၣ်ညါဘၣ်လၢဟီၣ်ကဝီၤဖိအိၣ်န့ၣ်လီၤ
လ့ၣ်ဝကျိဖးဒိၣ်လုၣ်ခးလီၤ၁၂၀ မမ ကျိဖးဒိၣ်ဆူ ရွၣ်တါရှ့ၣ်သဝီပူၤအဃိ သးနံၣ်၄၃နံၣ်ပိၣ်မုၣ်တဂၤ အနၣ်ဘၣ်ဒိဒီးကျိဖးဒိက့၊သးနံၣ် ၄နံၣ်ဖိသၣ်တဂၤဘၣ်ဒိလၢအနိးဒီး သးနံၣ်၁၂နံၣ် စီၤကၠီၣ်သဲအီၣ် အံၤကျိဖးဒိၣ်က့လီၤတဲၣ်ဘၣ်အဃိ သံဝဲန့ၣ်လီၤ တကးဒံးဘၣ်ဟံၣ်ဟးဂီၤ ၂ဖျၢၣ်န့ၣ်သ့ၣ်ညါဘၣ်လၢဟီၣ်ကဝၤပိၣ်မုၣ်အိၣ်န့ၣ်လီၤ
“ဘၣ်လၢဟံၣ်ဖီလာ်လီၤ ဖီထိးဆၣ် ဖိသၣ်တဖၣ်န့ၣ်မၤစၢၤအမိ ကျိဖးဒိၣ်လီၤတဲၤလၢဟံၣ်ကပၤ တမ့ၢ်ဘၣ်တီတီဘၣ် အဒီဖိမုၣ်တဖၣ်လီၤ ဖိသၣ်အီနုၣ်ထံအိၣ်လီၤ ဖိသၣ်တဘၣ်ဒိဘၣ် ပှၤကညီတဘၣ်ဒိဘၣ် ဟံၣ်ဟးဂီၤလီၤ “န့ၣ်အဝဲတဲန့ၣ်လီၤ
ပှၤဘၣ်ဒိဒီဖိမုၢ်ခံဂၤအံၤဘၣ်တၢ်စှၤအီဆူ သၢဆဲးသၢဆူၣ် သဝီပူၤကသံၣ်ဒၢးဒီး ဖိသၣ်အမိၢ်လၢဘၣ်ဒိလၢအနၣ်န့ၣ်တၢ်ဘၣ်ယိၤအိၣ်န့ၣ်လီၤ
ပယီၤသုးတဖၣ်အံၤ ခးလီၤကျိဖးဒိၣ်၊ဟဲတ့ၢ်လီၤမ့ၣ်ပိၣ်ဒီးကဘီယူၤဆူကီးတရ့းကလံၤစိးသဝီတဖၣ်အပူၤဒီး ဖဲလါယူၤ ၆သီမဟါတနံၤနာ်က့ ဟဲတ့ၢ်လီၤမ့ၣ်ဒီးကဘီယူၤလၢ ကီးတရ့းကလံၤစိး စ့ၣ်ဖလါ သဝီအဃိ ကျိတဖျၢၣ်ဒီး ဟံၣ်ဘၣ်ဒိဟးဂီၤ ၄ဖျၢၣ်န့ၣ်လီၤ
