လါယူၤ ၂သီ၊၂၀၂၃နံၣ်
ကညီကီၢ်စဲၣ် အ့ကၠ့မၠ့ၣ်ဒီးစွ့ၣ်ကိကိၣ်ဟီၣ်ကဝီၤတဖၣ်အပူၤ လါယူၤ ၅ သီ ပာ်ပနီာ်ဝဲလၢခံကတၢၢ်ဒီးယိၤပဒိၣ်တဖၣ်ကထုးက့ၤယိၤလီမ့ၣ်အူကျဲတဖၣ်န့ၣ်သ့ၣ်ညါဘၣ်လၢ စွ့ၣ်ကိကိၣ်ဟီၣ်ကဝီၤဖိတဖၣ်အိၣ်န့ၣ်လီၤ
ကတီၢ်ခဲအံၤ စွ့ၣ်ကိကိၣ်ဟီၣ်ကဝီၤအံၤ ယိၤလီမ့ၣ်အူပယီၤလီမ့ၣ်အူသူဝဲန့ၣ်ခံမံၤဒဲးန့ၣ်လီၤ ကသူဝဲလၢဟံၣ်အဂီၤဟံးန့ၣ်ဝဲကီၢ်ပယီၤလီမ့ၣ်အူဒီးတၢ်မၤအဂီၤန့ၣ်ဟံးန့ၣ်ဝဲယိၤလီမ့ၣ်အူန့ၣ်သ့ၣ်ညါဘၣ်လၢ စွ့ၣ်ကိကိၣ်ဟီၣ်ကဝီၤဖိအိၣ်နဲၣ်လီၤ
“ကတီၢ်ခဲအံၤ ပှၤဘၣ်မူဘၣ်ဒါတဖၣ် တဲသကိးတၢ်ဒီးယိၤအဖၢမုၢ်လီၤ ယိၤတကပာ်န့ၣ်မ့မ့ၢ်သဝီဖိအဂီၤန့ၣ်ကဟ့ၣ်ဝဲမီနီ မ့မ့ၢ်တရူးတၢ်မၤလီၢ်န့ၣ်တဟ့ၣ်ဝဲဘၣ်န့ၣ်ပနၣ်ဟူလီၤ ယိၤလီမ့ၣ်အူမ့ၢ်တန့ၣ်ဘၣ်ပာ်ဂံၢ်ပာ်ဘါပယီၤလီမ့ၣ်အူလီၤ ကီၢ်ပယီၤလီမ့ၣ်အူန့ၣ်ဟးဂီၤတဘျီဘျီကအိၣ် ပသူလၢဟံၣ်အဂီၤန့ၣ်လီၤ မ့မ့ၢ်တၢ်မၤအဂီၤသူတန့ၣ်ဘၣ် မ့ၣ်အူအဂံၢ်တပှဲၤဘၣ်”န့ၣ်အဝဲတဲလီၤ
မၠးဝတံၣ်ဝ့ၢ်ပူၤ အ့ကၠ့မၠ့ၣ်သဝီဒီး မၠ့းတၣ်လ့မၠ့ၣ်သဝီတကပာ် ခံခီခံကပာ်တၢ်ဒူးဆူၣ်အဃိ transformers တဖၣ်ဘၣ်ဒိဟးဂီၤအိၣ်ဒီး တၢ်လီၢ်တနီပူၤ လီမ့ၣ်အူဟးဂီၤန့ၣ်လီၤ AIS ကွဲာ်ဒီနၣ်တၢၣ်တဖၣ်ဟးဂီၤအဃိ မၠးဝတံၣ် ဝ့ၢ်အဃၢၢ်ပှၤသူကွဲးဟူဖျါတန့ၣ်န့ၣ် အ့ၣ်ကၠ့မၠ့ၣ်သဝီဟီၣ်ကဝီၤဖိတဂၤတဲဝဲလီၤ
“အခဲဖဲပအိၣ်တကပာ်န့ၣ်သူယိၤလီမ့ၣ်အူန့ၣ်ဒံး ယိၤတက့ၤထုးက့ၤဝဲဒံးဘၣ် ဆၢကတီၢ်ခဲအံၤ တၢ်ဒုးကဲထီၣ်ဒီး ခံခီခံကပာ်ဒူၣ်ယာ်တၢ်ဖ့ၣ်ဆၢကဲထီၣ်အဃိ transformers ဘၣ်ဒိဟးဂီၤအိၣ် အဃိမ့ၣ်အူသံလီၤ လၢကီၢ်ပယီၤတကပာ်AISတၢၣ် ဟးဂီၤအဃိ မၠးဝတံၣ်အဃၢၢ်သဝီတဖၣ် ကွဲာ်ဒီနၣ် ကျဲတဖၣ်ဟးဂီၤ”န့ၣ်အဝဲတဲလီၤ
ကညီကီၢ်စဲၣ်ပူၤ ကီၢ်ဆၢပှၤဆှၢပှၤကညီလၢတၢ်တဖိးသဲစး၊တၢ်မၤလၢတဖိးသဲစးတဖၣ်၊တၢ်လိၣ်ခိၣ်လိၣ်ကွဲတဖၣ်ဒီးတရူးတၢ်မၤလီၢ်တဖၣ် ယိၤပဒိၣ်ကထုးက့ၤလီမ့ၣ်အူကျဲတဖၣ်န့ၣ်တၢ်ကစီၤဟဲဟးထီၣ်လီၤ ယိၤပဒိၣ်ဒီးကီၢ်ပယီၤပှၤဘၣ်မူဘၣ်ဒါတဖၣ် တဲသကိးတၢ်ဒီးမ့မ့ၢ်သဝီပူၤ ဟီၣ်ကဝၤဖိအဂီၢ်န့ၣ်ကဟ့ၣ်ဝဲဒီး တကီၢ်ခါခဲအံၤတၢ်အိၣ်သးအဖီခိၣ် မ့ၣ်အူကဟ့ၣ်ဝဲကထုးက့ၤဝဲန့ၣ်ကဘၣ်အိၣ်ခိးကွၢ်န့ၣ်ကီၣ်ကဝီၤဖိတဲဝဲလီၤ
