လါယူၤ ၁သီ ၊၂၀၂၃နံၣ်
ကညီကီၢ်စဲၣ် ဖၣ်အၣ်ဝ့ၢ် ခလရ ၂၀၅ သုးရ့ၣ်မဲာ်ညါ မၠ့ၣ်ကလ့-ဒူသထူ သိလ့ၣ်ကျဲဖီခိၣ် မ့ၤပိၣ်ပိၣ်ဖးထီၣ်ဝံၤအလီၢ်ခံ ပယီၤသုးတဖၣ်မၤဃံးထီၣ်တၢ်သမံသမိးလၢ ဃိၣ်လိၣ်တိၣ်ဒီး ဒိၣ်သမံးတိၣ်သ့ၣ်တဖၣ်န့ၣ်ဟီၣ်ကဝီၤဖိတဲဝဲန့ၣ်လီၤ
ခလရ ၂၀၅ သုးရ့ၣ်မဲာ်ညါ မၠ့ၣ်ကလ့-ဒူသထူသိလ့ၣ်ကျဲဖီခိၣ်ဖဲလါယူၤ ၁သီ ဂီၤ ၇ နၣ်ရံၣ်ဃၣ်ဃၣ်ဆၢကတီၢ်မ့ၤပိၣ်ပိၣ်ဖးထီၣ်အဃိ သုးရ့ၣ်၂၀၅ မဲာ်ညါ တိၣ်ဖိဟးဂီၤဒီးတၢ်သမံသမိးဃံးထီၣ်န့ၣ် ပှၤဟးထီၣ်က့ၤလီၤဖဲန့ၣ်တဖၣ်တဲဝဲန့ၣ်လီၤ
“ဖဲ၇နၣ်ရံၣ်န့ၣ် ပိၣ်ဖး၃ဖျၢၣ် ၈နၣ်ရံၣ်န့ၣ်၂ဖျၢၣ် ပိၣ်ဖးဖဲတိၣ်ခၢၣ်သး တိၣ်တကာ်ဘၣ် သိလ့ၣ်တဖၣ်ကးတံၢ်သးလီၤ သိလ့ၣ်ဘၣ်လဲၤဝဲကယီကယီလီၤ ဒိၣ်သမံးတိၣ်ခံခီခံကပၤ ပယီၤသုးဒီးBGFသုးတဖၣ်သမံသမိးတၢ်လီၤ “န့ၣ်ပှၤလဲၤတၢ်ဖိတဂၤစံးဝဲန့ၣ်လီၤ
မ့ၣ်ပိၤပိၣ်ဖးထီၣ်ဝံၤအလီၢ်ခံ ပယီၤသုးခးကျိဖိအကလုၣ်သီၣ်န့ၣ်ဖၣ်အၣ်ဝ့ၢ်ဟီၣ်ကဝီၤဖိတဲဝဲလီၤ
“မ့ၣ်ပိၤပိၣ်ဖးအကလုာ်သီၣ်ဖးဒိၣ်ညါလီၤ နၣ်ဟူဘၣ်တုၤဖၣ်အၣ်ဝ့ၢ်ပူၤလီၤ ပိၣ်ဖးထီၣ်ဝံၤနၣ်ဟူဘၣ်ကျိဖိကလုာ်လီၤ မုၤဝါထီန့ၣ်စးထီၣ်နၣ်ဟူဘၣ်လီၤ ဖဲဂီၤ၈နၣ်ရံာ်ဃၣ်ဃၣ်န့ၣ်ဂၢၢ်ထီၣ်လီၤ”န့ၣ်အဝဲတဲဝဲန့ၣ်လီၤ
ဖဲအပူၤကွံာ် လါအ့ဖြ့ၤ ၂၂ သီအနံၤနာ်က့ ဃိၣ်လိၣ်တိၣ်အဃၢၢ် မ့ၣ်ပိၣ်ပိၣ်ဖးဒီးကမျၢၢ်သံတဂၤန့ၣ်လီၤ
