တၢ်ဒုးကဲထီၣ်လၢစွ့ၣ်ကိကိၣ်အဃၢၢ်ဝံၤအလီၢ်ခံ BGFသုးတဖၣ်မၤဃံးထီၣ်တၢ်သမံသမိးလၢဝ့ၢ်နုာ်လီၤဟးထီၣ်အလီၢ်

လါမ့ၤ၂၃၊၂၀၂၃နံၣ်

ကညီကီၢ်စဲၣ် မၠးဝတံၣ်ကလံၤထံးတကပၤ စွ့ၣ်ကိကိၣ်ဝ့ၢ်သီပူၤတၢ်ဒုးကဲထီၣ်ဝံၤအလီၢ်ခံ ပယီၤသုးစုဖီလာ်သုးခိးကီၢ်ဆၢBGFသုးတဖၣ် မၤဃံးထီၣ်တၢ်သမံသမိးန့ၣ်လၢညါလၢဝ့ၢ်နုာ်လီၤဟးထီၣ်အလီၢ်တဖၣ်န့ၣ် သ့ၣ်ညါဘၣ်လၢပှၤလဲၤဟးလၢစွ့ၣ်ကိကိၣ်ဝ့ၢ်ဒီးဟီၣ်ကဝီၤဖိတဖၣ်အိၣ်န့ၣ်လီၤ

ဖဲလါအ့ဖြ့ၣ် ၅သီအနံၤ ပယီၤသုး၊သုးခိးကီၢ်ဆၢBGFဒီး KNLAသုးပာ်ဖှိၣ်တဖၣ်တၢ်ဒုးကဲထီၣ်ဝံၤအလီၢ်ခံ စွ့ၣ်ကိကိၣ်ဝ့ၢ်သီပူၤ ပှၤဟးထီၣ်က့ၤလီၤတဖၣ် ကဝီၤဒ့သးပှၢ်အလံအုၣ်သးမ့ၢ်အိၣ်မးနုာ်လီၤဝ့ၢ်ပူၤန့ၣ်လီၤန့ၣ်ဟီၣ်ကဝီၤဖိတဲဝဲန့ၣ်လီၤ

“တၢ်ဒုးကဲထီၣ်လၢစွ့ၣ်ကိကိၣ်ဝံၤအလီၢ်ခံ နုာ်လီၤတန့ၣ်ဒ်သိးလၢညါညီညီဘၣ် ကွာ်ဝဲပှၤကညီအမဲာ်သၣ် ကွာ်ဝဲမ့ၢ်တဘၣ်အမဲာ်န့ၣ်သမံသမိးဝဲ စွ့ၣ်ကိကိၣ်နုာ်လီၤဟးထီၣ်သမံသမိးဝဲလီၤ သဝီဖိဆဲးစုမုၢ်မ့ၢ်တမ့ၢ်ကဝီၤဒ့သးပှၢ်ဘၣ်ဆဲးန့ၣ်စုမုၢ်မးနုာ်လီၤန့ၣ်လီၤ မ့ၢ်တမ့ၢ်တပျဲနုာ်ဝဲဘၣ် 9Bန့ၣ်မ့ၢ်စွ့ၣ်ကိကိၣ်သိလ့ၣ်အုၣ်သးနီၢ်ဂံၢ်လီၤ 9Bမ့တမ့ၢ်မံလၢဝ့ၢ်ပူၤတန့ၣ်ဘၣ် “န့ၣ်အဝဲတဲဝဲလီၤ

ဘၣ်ယိာ်ဝဲလၢ PDFတဖၣ်ကမၤဟးဂီၤ စွ့ၣ်ကိကိၣ်ဝ့ၢ်သီပူၤ ကၣ်စံၣ်နိၣ်တဖၣ်KTVတဖၣ်အဃိ သုးခိးကီၢ်ဆၢ BGFတဖၣ် သမံသမိးဃံးထီၣ်တၢ်ဒ်အံၤန့ၣ်ဟီၣ်ကဝီၤဖိလၢတအဲၣ်ဒိးပာ်ဖျါအမံၤတဂၤနဲဝဲန့ၣ်လီၤ

စးထီၣ်ဖဲလါမ့ၤတၢတနွံန့ၣ် စွ့ၣ်ကိကိၣ်ဝ့ၢ်သီပူၤကဝီၤဒ့တဖၣ်ဒီးသဝီအဃၢၢ်တဖၣ်အပူၤ BGFသုးတဖၣ်ပာ်ဖှိၣ်ထီၣ်သးဒီးကဝီၤဒ့သးပှၢ်တဖၣ်ဒီးပာ်ဖှိၣ်သုးဖိသီန့ၣ်လီၤ

တကးဒံးဘၣ် သုးခိးကီၢ်ဆၢBGFသုးဖိနီၢ်ဂံၢ်၂၀၀ဃၣ်ဃၣ် ဘၣ်တၢ်ဟ့ၣ်လီၤသုးတၢ်မၤလိဖဲ မၠ့ၢ်ကၠံငူၣ်သဝီအဃၢၢ်ကၠၣ်အ့သဝီန့ၣ်သ့ၣ်ညါဘၣ်န့ၣ်လီၤ