လၢကၠ့းထိၣ်န့ၣ် ပယီၤသုးမၤဟးဂီၤသဝီသိလ့ၣ်ကျဲတဖၣ်အဃိ သဝီ ၂၅ဖျၢၣ်အပူၤဟီၣ်ကဝီၤဖိတဖၣ်ဘၣ်သဂၢၢ်ဒီးတၢ်ကီတၢ်ခဲလီၤ

လါမ့ၤ ၂၅သီ ၊၂၀၂၃နံၣ်

တလၢာ်ကီၢ်စဲၣ် ကၠ့းထိၣ်ဝ့ၢ်ပူၤ ပယီၤသုးဂံၢ်ဘါ ၆၀ဃၣ်ဃၣ်အံၤ ဖဲလါမ့ၤ ၂၄သီ မုၢ်နၤ ၇နၣ်ရံၣ်တခီဃၣ်ဃၣ်အဆၢကတီၢ် ဟဲမၤဟးဂီၤကွံာ်လဲလဲကုသဝီဒီး ဆီၣ်လ့ၣ်ဂွး သဝီအဘၢၢ်စၢၢ်ကျဲဒီးဘဲးဟိန့ၣ်သ့ၣ်ညါဘၣ်လၢ Kyaikhto Information Organization အိၣ်န့ၣ်လီၤ

ခိဖျိလၢပယီၤသုးမးဟးဂီၤဝဲ ကၠ့းထိၣ်ဝ့ၢ်ပူၤ သဝီတဖၣ်ကျဲဒ်အံၤအဃိ သဝီ ၂၅ဖျၢၣ်ပူၤ ဟီၣ်ကဝီၤဖိလၢဘၣ်သူကျဲဖဲန့ၣ်တဖၣ် တၢ်ကီၢ်ခဲအိၣ်ထီၣ်လၢ တၢ်ဆှၢထီၣ်ဆှၢလီၤ တၢ်ပီးတၢ်လီအဂီၤန့ၣ်လီၤ

ပယီၤသုးဖဲဆီလီၤလီၢ်ဖဲ ကၠးထိၣ် သုးက့ ၄၄စုဖီလာ် အံၤဂံၢ်ဘါလီၤစှၤတကးဒံးဘၣ် ဘၣ်ယိၤလၢဟီၣ်ကဝီၤဒီသဒၢသုးတဖၣ်ကဟဲဒုးသုးအဃိမၤဝဲဒ်အံၤန့ၣ် ပှၤဘၣ်မူဘၣ်ဒါလၢ KTO တဂၤတဲဝဲန့ၣ်လီၤ

“အဝဲသ့ၣ်မၤကီမၤခဲကမျၢၢ်လီၤ လၢခံတခါန့ၣ်ဒ်သိးတၢ်အီၣ်တတုၤဆူဟီၣ်ကဝီၤဒီသဒၢသုးတဖၣ်အိၣ်န့ၣ်မၤဝဲလီၤ ခီဖျိလၢ သုးက့ ၄၄သုးဂံၢ်ဘါလီၤစှၤဒီးဘၣ်ယိၤဝဲ ပှၤကဟဲခးအဝဲသ့ၣ်လၢတၢ်တဆိကမိၣ်ပူၤအဃိမၤဝဲဒ်အံၤလီၤ”န့ၣ်အဝဲတဲဝဲလီၤ

တကးဒံးဘၣ်ပယီၤသုးတဖၣ်အံၤ လၢကၠ့းထိၣ်ဝ့ၢ်ပူၤ မၤဟးဂီၤကျဲအိၣ် ၅ဘိလံဒီးကျဲတဖၣ်အံၤမ့ၢ်ကျဲလၢပှၤလဲၤသဝီတဖျၢၣ်ဆူတဖျၢၣ်ကျဲန့ၣ်လီၤ

ဖဲအပူၤကွံာ်လါမ့ၤ ၁၉သီအနံၤနာ်က့ ပယီၤသုးမၤဟးဂီၤကၠ့းထိၣ်ဝ့ၢ်ပူၤ ကံာ်မိချီသဝီဒီး ဆီၣ်န့ၣ်ကၠံသဝီ ကျဲ၊ဖဲလါမ့ၤ အသီ၂၀န့ၣ် ဝ့ကလီး သဝီကျဲန့ၣ်လီၤ ကျဲတဖၣ်အံၤ အရ့ဒိၣ်လၢကၠးထိၣ်ဝ့ၢ်အဂီၤတကးဒံးဘၣ်မ့ၢ်ကျဲလၢ ဘၣ်ထွဲလီၤသးလၢ ကၠးထိၣ်-ဝ့ၢ်တကူၣ် ကျဲအဃိ ဟီၣ်ကဝီၤဖိတဖၣ်တၢ်ကီတၢ်ခဲအိၣ်ထီၣ်လၢ အီၣ်အီအိၣ်ဆိးအဂီၤန့ၣ်လီၤ