လါမ့ၤ ၂၄သီ ၊၂၀၂၃နံၣ်
ကညီကီၢ်စဲၣ် ဖၣ်ပူၣ်ဒီးကမမီကျဲ ပယီၤသုးကးတံၢ်ဃးကျဲအဃိ ဖၣ်ပူၣ်ဝ့ၢ်ပူၤ တၢ်ဆှၢထီၣ်ဆှၢလီၤတၢ်ပီးတၢ်လီဘူးကတုၤကွံာ်န့ၣ်ဖၣ်ပူၣ်ဝ့ၢ်ဟီၣ်ကဝီၤဖိတဲဝဲန့ၣ်လီၤ
ဖၣ်ပူၣ် -ကမမီကျဲ အံၤဘၣ်တၢ်ကးတံၢ်ကွံာ်အီလၢပယီၤသုးဒီးBGFဖဲအပူၤကွံာ် လါအ့ဖြ့ၤဒီး တလါန့ၣ်ပျဲဟံးန့ၣ်ဆှၢတၢ်အီၣ်ဒၣ်၅သီန့ၣ်လီၤ
ခီဖျိလၢကျဲဘၣ်တၢ်ကးတံၢ်ဃးအီဒ်အံၤအဃိ ဖၣ်ပူၣ်ဟီၣ်ကဝီၤဖိတဖၣ် ဘၣ်သူဝဲခိကျဲလၢကပှ့ၤတၢ်အဃိ တၢ်ဆှၢထီၣ်တၢ်ပီးတၢ်လီဘူးကပတုၤန့ၣ်ဟီၣ်ကဝီၤဖိတဂၤတဲဝဲလီၤ
“အခဲကးတံၢ်ဃးသိလ့ၣ်ကျဲ တလါန့ၣ်ပျဲလဲၤဝဲတၢတနွံပူၤ၅သီလီၤ လၢကျဲန့ၣ်တၢ်သမံသမိးအိၣ်၅တီၤဃၣ်ဃၣ်ညါ သိလ့ၣ်ကျဲလဲမ့ၢ်တန့ၣ်ဘၣ်လဲၤလၢခိကျဲ ပမ့ၢ်လဲၤလၢခိကျဲန့ၣ်တၢ်ဆၢကတီၢ်ယံၤအါထီၣ်လီၤ တၢ်ပီးတၢ်လီနာ်က့ပှ့ၤအါအါတန့ၣ်ဘၣ် ဝ့ၢ်ပူၤနာ်က့တၢ်အပှ့ၤထီၣ် ဃုသး၊သိ၊အံသၣ်၊ပသဲသၣ်တၢ်သ့ၣ်တဖၣ်အပှ့ၤထီၣ် ပသဲသၣ်န့ၣ်အခဲအပှ့ၤထီၣ်တုၤတကလးဃၣ်ဃၣ်လံ”န့ၣ်ဖၣ်ပူၣ်ဟီၣ်ကဝီၤဖိတဲဝဲန့ၣ်လီၤ
တကးဒံးဘၣ် ပယီၤသုး မၤဟးဂီၤအဃိ ဖၣ်ပူၣ်ဝ့ၢ်ပူၤဒီးအဃၢၢ်သဝီတဖၣ်အပူၤ လီၤတဲစိၤကျိၤဒီး လီမ့ၣ်အူတန့ၣ်အိၣ်တနံၣ်ဘျဲၣ်လံန့ၣ်ဖၣ်ပူၣ်ဟီၣ်ကဝီၤဖိတဲဝဲန့ၣ်လီၤ
“ဂီၤခီဆၢကတီၢ် လီၤတဲစိၤပသုတန့ၣ်အိၣ်တနံၣ်ဘျဲၣ်လံ မ့ၢ်န့ၣ်နာ်က့ တဂ့ၤအါဘၣ် ဘၣ်လဲၤသူလၢဘူးဒီးကွဲၤဒီနၤတၢၣ်တဖၣ်လီၤ လီမ့ၣ်အူနာ်က့တန့ၣ်ယံၤလံ ပှၤဘၣ်သူဝဲမ့ၣ်အူစဲးဒီးတၢ်လိမုၤန့ၣ်လီၤ ပှၤပှ့ၤတန့ၣ်တၣ်ဘၣ်လဲၤသူဝဲလၢပှၤဟံၣ်”န့ၣ်ဖၣ်ပူၣ်ဟီၣ်ကဝီၤဖိတဲဝဲလီၤ
တကီၢ်ခါခဲအံၤပယီၤသုးတဖၣ်ဆီလီၤသးဖဲသဝီတဖၣ်အပူၤဒီး ခးလီၤကျိဖးဒိၣ်ဆူ သဝီပူၤအဃိဟီၣ်ကဝီၤဖိဘၣ်ဒိအိၣ်န့ၣ် ဖၣ်ပူၣ်ဟီၣ်ကဝီဖိတဲအသိးသ့ၣ်ညါဘၣ်န့ၣ်လီၤ
