လၢဖၣ်အၣ်ဝ့ၢ်ပူၤ သိလ့ၣ်လၢတထီနီၢ်ဂံၢ်ဘ့ၣ်ဘၣ်တဖၣ် ဘၣ်တၢ်ဖှီၣ်ဒီးဃ့စ့လၢအကလီၢ်ညါလီၤ

လါမ့ၤ ၂၃၊၂၀၂၃ နံၣ်

လၢကညီီကီၢ်စဲၣ် ၊ဖၣ်အၣ်ဝ့ၢ်ပူၤ ဝ့ၢ်ချၢသိလ့ၣ်အလ့ၢ်ထီၣ်လ့ၢ်လိၤလၢတထီဃးနီၢ်ဂံၢ်ဘ့ၣ်ဘၣ်တဖၣ်ဘၣ်တၢ်ဖှီၣ်ဒီး ဃ့ဝဲစ့အီၣ်လိးလၢအကလီၢ်ညါန့ၣ် ဖၣ်အၣ်ဝ့ၢ်ဟီၣ်ကဝီၤဖိဒီးပှၤလၢဘၣ်တၢ်ဖှီၣ်ဃးသိလ့ၣ်တဖၣ်တဲဝဲအသိးသ့ၣ်ညါဘၣ်န့ၣ်လီၤ

ဖဲလါမ့ၤ ၂၂သီအနံၤ ခိကျဲတၢ်ဟးထီၣ်က့ၤလီၤရူမၢဆီတလဲနီၢ်ဂံၢ်ဘ့ၣ်ဘၣ်တဖၣ်ဒီးသိလ့ၣ်ဆီတလဲသးတဖၣ်လၢဟးထီၣ်က့ၤလီၤဖဲဝ့ၢ်ပူၤဝ့ၢ်ချၢတဖၣ် ဘၣ်တၢ်သမံသမိးဒီးဖှီၣ်အီလၢ ပယီၤသုးစုဖီလာ် ရူတဖၣ်ဒီး မၢစဲးလီၤမံၤဃ့ဝဲစ့သၢကလးန့ၣ်လီၤ တကးဒံးဘၣ် ဖဲလါမ့ၤ၂၃သီအနံၤ သိလ့ၣ်ဖှီၣ်ဃးဝဲတဖၣ်မၢဟဲဟံးန့ၣ်က့ၤဝဲဒီးဃ့စ့တုၤသၢကလီၢ်န့ၣ်ပှၤဘၣ်တၢ်ဖှီၣ်ဃးတဂၤတဲဝဲန့ၣ်လီၤ

“နီသိလ့ၣ်လံာ်အုၣ်သးဒီးနီၢ်ဂံၢ်ဘ့ၣ်ဘၣ်တအိၣ်အဃိ ဃ့စ့သၢကလီၢ်လီၤ ယစ့အိၣ်နွံကလးလီၤယတဲနာ်က့တန့ၣ်အဃိ ယဘၣ်က့ၤဟံးန့ၣ်စ့လီၤ အခဲအံၤသမံသမိးဝဲနီၢ်ဂံၢ်ဘ့ၣ်ဘၣ်ဒီး နီသိလ့ၣ်လံာ်အုၣ်သးလီၤ အတဲန့ၣ်တဖၣ်မ့ၢ်အိၣ်န့ၣ်ဒုလဲၤဝဲwithout သိလ့ၣ်တဖၣ်ဘၣ်တၢ်ဖှီၣ်ဃးအိၣ်န့ၣ်လီၤ ပှဲၤခိၣ်လဲၣ်ဒုတသ့ၣ်ညါဘၣ် အဝဲသ့ၣ်သမံသမိးယၤအဃိ ယသးပျံၤတၢ်လီၤ ပၢၢ်ကီၤ၊သုးဖိ၊PC ခဲလၢၢ်ပာ်ဖှိၣ်ကအိၣ်၁၅ဂၤ အဂၤ၂၀ဃၣ်ဃၣ်လီၤ”န့ၣ်အဝဲတဲဝဲဒၣ်လီၤ

ပယီၤသုးစုဖီလာ်ရူအပှၤမၤတၢ်ကရူၢ်ကရၢတဖၣ်လၢညါန့ၣ် အိၣ်ခိးဖှီၣ်ဝဲလၢကွဲၢ်ကဘီပလၣ်စၣ်အမဲာ်ညါ၊မဲဘီၣ်မဲာ်ညါ ဒီးဖၣ်အၣ်ဝ့ၢ်ကျဲဖးဒ့တဖၣ်နာ်က့ ဆၢကတီၢ်ခဲအံၤ အိၣ်ခိးဝဲလၢရတနၣ်ဒံၣ်ပအီၣ်နဲဒီးတလၢတီၣ်ကလ့၂၀၂သုးကျၢၤအမဲာ်ညါ န့ၣ်သ့ၣ်ညါဘၣ်န့ၣ်လီၤ

စးထီၣ်ဖဲအပူၤကွံာ်လါမ့ၤခံနွံတနွံ ပတုၤဃးဝဲတၢ်ဖှီၣ်သိလ့ၣ်လၢလံာ်အုၣ်သးတအိၣ်ဒီးမၢအဆီတလဲဝဲဒီးစ့၇၀၀၀၀န့ၣ်လီၤ

ပယီၤသုးစုဖီလာ်ရူတဖၣ်ဖှီၣ်သိလ့ၣ်ဒ်အံၤန့ၣ် ဖဲတါလီၤအခါဒ်သိးပှၤကအိၣ်အါအဂီၢ်ဘီတၢ်လိၣ်ကွဲထံအလီၢ်တဖၣ်အဃိစ့လၢအလၢၢ်တဖၣ် ဒ်သိးကန့ၣ်က့ၤအဂီၤထၢစ့ဒ်အံၤန့ၣ်ပှၤဘူးဒီးပယီၤသုးစုဖီလာ်ရူတဖၣ်တဲဝဲအသိးသ့ၣ်ညါဘၣ်န့ၣ်လီၤ