လါမ့ၤ၁၈သီ၊၂၀၂၃နံၣ်
လၢကညီကီၢ်စဲၣ် မၠၣ်၀တံၣ်၀့ၢ်ဒီးကီးတရ့းဝ့ၢ်အဘၢၢ်စၢၢ် အ့ရှါကျဲန့ၣ် ပယီၤသုးဒီးသုးခိးကီၢ်ဆၢ(BGF)ဆီလီၤတြဲၤ အိၣ်ခိးထၢစ့ လၢသိလ့ၣ်လ့ၢ်ထီၣ်လ့ၢ်လိၤသ့ၣ်တဖၣ်အအိၣ်အါမးအဂ့ၢ်န့ၣ် ၦၤနီသိလ့ၣ်ဖိလၢအဘၣ်သဂၢၢ်ဒီးတၢ်ကဲထီၣ်သးလၢ အနီၢ်ကစၢ်တဖၣ်အံၤ စံး၀ဲန့ၣ်လီၤႉ
ကီးတရ့းဒီးမၠးဝတံၣ်ဝ့ၢ်တဖၣ်အပူၤ စးထီၣ်ဖဲအပူၤကွံာ်လါအ့ဖြ့ၣ်အလၢၢ် ပယီၤသုးဒီးသုးခိးကီၢ်ဆၢ(BGF)ဒီးKNLAသုးပာ်ဖှိၣ်တဖၣ်အဘၢၢ်စၢၢ်တၢ်ဒုးကဲထီၣ်ဝံၤအလီၢ်ခံ BGFသုးဃ့စ့ဒ်အံၤန့ၣ်လီၤ
မၠးဝတံၣ် -ကီးတရ့းအ့ရှါကျဲဒီဘိ ပယီၤသုးဒီးသုးခိးကီၢ်ဆၢ(BGF)တြဲၤအိၣ် ၅ခါဆူ ၇ခါဒီး သိလ့ၣ်ဖးဒိၣ်တခိၣ်န့ၣ် ဃ့ဝဲသၢကလးန့ၣ်ပှၤနီသိလ့ၣ်ဖးဒိၣ်တဂၤတဲဝဲဒၣ်န့ၣ်လီၤ
“သိလ့ၣ်တခိၣ်န့ၣ်ဃ့ဝဲစ့သၢကလးတုၤဃုကလးလီၤ ပှၤထၢစ့တဖၣ်န့ၣ်ဆီတလဲသးလီၤ တဘျီတခီၣ်အိၣ်၅ဖု တဘျီတခီၣ် ၇ဖု တဘျီတခီၣ်အိၣ်တုၤ အဖု၁၀ညါလီၤ ယလဲၤတဘျီယဘၣ်ဟ့ၣ် ၁၁၇၀၀၀လီၤ ကီးတရ့းဆူမၠးဝတံၣ်န့ၣ်”ပှၤနီသိလ့ၣ်ဖးဒိၣ်တဂၤတဲဝဲဒၣ်န့ၣ်လီၤ
ခီဖျိလၢဃ့စ့ဒ်အံၤအဃိ မၠးဝတံၣ်-ကီးတရ့းအ့ရှါကျဲ ပှၤနီသိလ့ၣ်ဖးဒိၣ်တဖၣ်တန့ၣ်ဘၣ်လါလဲပှဲၤအဃိဘၣ်သဂၢၢ်ဒီးတၢ်ကီတၢ်ခဲန့ၣ်ပှၤနီသိလ့ၣ်ဖးဒိၣ်တဂၤတဲဝဲဒၣ်န့ၣ်လီၤ
“ပပှၤနီသိလ့ၣ်ဖးဒိၣ်တဖၣ် ခီဖျိဃ့စ့အါဒ်အံၤအဃိတၢ်ကီတၢ်ခဲအိၣ်ထီၣ်လီၤ ပဝဲဒၣ်န့ၣ်ပဘၣ်နီသိလ့ၣ်ပownerတဖၣ်န့ၣ် ပန့ၣ်ဘၣ်စ့ဆှၤအဖီခိၣ်နာ်ပှၤတနီ တနီတဲဝဲပဟံးန့ၣ်ဃးစ့လီၤ ပန့ၣ်လၣ်ဆှၤအဖီခိၣ်တနာ်ပှၤအဃိ ပမၤန့ၣ်က့ၤစ့လၢအဝဲသ့ၣ်အိၣ်ဆှၤန့ၣ်လီၤ”န့ၣ်အဝဲတဲဝဲဒၣ်န့ၣ်လီၤ
ပယီၤသုးမိၤစိရိၤတချုးဟံးန့ၣ်ထံကီၢ်စိကမီၣ်န့ၣ် မၠးဝတံၣ်-ကီးတရံးအ့ရှါကျဲပှၤထၢစ့တအိၣ်နာ်က့ သုးဟံးန့ၣ်စိကမီၣ်ဝံၤအလီၤခံ စးထီၣ်ဖဲအပူၤကွံာ်၂၀၂၂န့ၣ်ဃ့စ့အါအါဂီၣ်ဂီၣ်န့ၣ်မၠးဝတံၣ်-ဖၣ်အၣ်ပှၤနီသိလ့ၣ်တဂၤတဲဝဲဒၣ်န့ၣ်လီၤ
“တချုးလၢပယီၤသုးဃ့စ့တအိၣ်ဘၣ်မ့ၢ်အိၣ်နာ်က့ ဃ့ဝဲ၁၀၀၀ ,၂၀၀၀လီၤအဝဲသ့ၣ်သဘျုၣ်ပှ့ၤ၊မီၣ်ထုပှ့ၤထဲန့ၣ်လီၤ ဖဲအပူၤကွံာ်၂၀၂၂လါဒံၣ်စ့ဘၢၢ် န့ၣ်ဃ့အါထီၣ်ဝဲ၅၀၀၀၊၁၀၀၀၀လီၤ”န့ၣ်ပှၤနီသိလ့ၣ်ဖိတဂၤတဲဝဲဒၣ်န့ၣ်လီၤ
ပယီၤသုးဟံးန့ၣ်ထံကီၢ်စိကမီၤဝံၤအလီၢ်ခံ ကီးတရ့းဝ့ၢ်ဒီးမၠးဝတံၣ်ဝ့ၢ်အဃၢၢ်သဝီတဖၣ်အပူၤ ပယီၤသုးဒီးသုးခိးကီၢ်ဆၢ(BGF)ဒီးKNLAသုးပာ်ဖှိၣ်တဖၣ်အဘၢၢ်စၢၢ်တၢ်ဒုးကဲထီၣ်တပယူၤဃီဒီး ကးတံၤကျဲတလီၢ်လီၢ်ဝံၤမ့ၢ်အိးထီၣ်က့ၤကျဲနာ်က့ဃ့စ့ဒ်အံၤန့ၣ်သ့ၣ်ညါဘၣ်န့ၣ်လီၤ
