လါမ့ၤ၁၈သီ၊၂၀၂၃နံၣ်
ကညီကီၢ်စဲၣ် ကီးတရ့းဝ့ၢ်ဒီးအဃၢၢ် သဝီတဖၣ်တကပာ် တၢ်ဟံးန့ၣ်ဆှၢဃုသး ပယီၤသုးပျဲလဲၤဝဲဒီးဆၢကတီၢ်န့ၣ်ကီးတရ့းဝ့ၢ်ဟီၣ်ကဝီၤဖိတဲဝဲဒၣ်န့ၣ်လီၤ
ပယီၤသုးမၤဟးဂီၤကွံာ်ကီးတရ့းဝ့ၢ်အဃၢၢ်သဝီတဖၣ်လၢအမ့ၢ်ဝဲ ကမ့ၣ်ကိကျဲ၊လီက့ၣ်၊ဖါကၠးဒီးတီၣ်ကၠၣ်အ့ကျဲတဖၣ်ဒီးဘူၣ်ဒိၣ်စၣ်ဝံၤ ပာ်ပနီၢ်ဝဲဆၢတဲၢ်ဝဲတၢ်ဟံးန့ၣ်ဆှၢဃုသးန့ၣ်လီၤ
သဝီတဖၣ်ဆူကီးတရ့းဝ့ၢ်ပူၤပယီၤသုးပျဲဝဲဃုသး၅တဲၢ်ဒီးမ့ၢ်တီၢ်ဝဲအါန့ၣ်အန့ၣ်ကဖှီၣ်ဟံးန့ၣ်ဝဲအရ့န့ၣ်ဘိးဘၣ်ရၤလီၤဝဲန့ၣ်ကီးတရ့းဝ့ၢ်ဟီၣ်ကဝီၤဖိတဂၤတဲဝဲန့ၣ်လီၤ
ကီးတရ့းဝ့ၢ်ဟီၣ်ကဝီၤဖိတဂၤတဲဝဲ “ဖဲအပူၤကွံာ်တနွံန့ၣ် နုာ်လီၤဖှီၣ်ဝဲလၢဝ့ၢ်ပူၤဒီးတၢ်ကစီၣ်ဟးထီၣ်လၢကဒီၣ်တဲၢ်ကွံာ်ကီးတရ့းဝ့ၢ်ပူၤတၢ်အီၣ်တၢ်အီတဖၣ်န့ၣ်လီၤ မၤဟးဂီၤကျဲတဖၣ်လီၤ အခဲအံၤကီးတရ့းဝ့ၢ်နုာ်လီၤဟးထီၣ်ကျဲအိၣ်တ့ၢ်ဒၣ်လ့ၣ်ဝကျဲလီၤ သိလ့ၣ်ယီၢ်တဖၣ်ဒူဟးဝဲန့ၣ် အိၣ်ဒီးတၢ်သမံသမိးတဖၣ်လီၤ တၢ်အဂုၤအဂၤန့ၣ်တဖှီၣ်ဝဲဘၣ်ဖှီၣ်ဝဲဃုသးတမံၤလီၤ”န့ၣ်အဝဲတဲဝဲဒၣ်န့ၣ်လီၤ
တကးဒံးဘၣ်ပယီၤသုးမၤဃံးထီၣ်တၢ်သမံသမိးလၢကီးတရ့းဝ့ၢ်နုာ်လီၤဟးထီၣ်အလီၢ်တဖၣ်တကးဒံးဘၣ်ဃုသးပှ့ၤထီၣ်န့ၣ်ကီးတရ့းဝ့ၢ်ဟီၣ်ကဝီၤဖိတဂၤတဲဝဲဒၣ်န့ၣ်လီၤ
“သိလ့ၣ်ယီၢ်န့ၣ်သမံသမိးဝဲမၢအိးထီၣ်ဝဲအခံလီၤ သိလ့ၣ်တဖၣ်န့ၣ်သမံသမိးဝဲလီၤတဲစိၤ သိလ့ၣ်ပူၤမနုၤအိၣ်လဲၣ်သမံသမိးဝဲ ဃုသးန့ၣ်တမၢတီၢ်ဝဲအါအါဘၣ် အခဲအံၤကီးတရ့းဝ့ၢ်ပူၤဃုပှ့ၤထီၣ် ဃုသးတကပုၣ်မးန့ၣ်ဘၣ်ဟ့ၣ် တတလီး၃၀၀၀ဘျဲၣ်လီၤ အခဲအံၤတမၢပှၤဆှၢထီၣ်ဃုသးအဃိဃုသးပှ့ၤကထီၣ်လီၤ”န့ၣ်အဝဲတဲဝဲဒၣ်န့ၣ်လီၤ
တကးဒံးဘၣ်ခီဖျိပယီၤသုးမၤဟးဂီၤကီးတရ့းဝ့ၢ်ဒီးအဃၢၢ်သဝီတဖၣ်အဃိ တၢ်ဆှၢထီၣ်ဆှၢလီၤတၢ်ပီးတၢ်လီတံာ်တၣ်န့ၣ်လီၤ
တကးဒံးဘၣ် ဆၢကတီၢ်ခဲအံၤ ပယီၤသုးမၤဃံးထီၣ်တၢ်သမံသမိးလၢကီးတရ့းဝ့ၢ်နုာ်လီၤဟးထီၣ်တၢ်လီၢ်တဖၣ်တကးဒံးဘၣ်ခးလီၤကျိဖးဒိၣ်ဆူကီးတရ့းဝ့ၢ်ဃၢၢ်သဝီတဖၣ်အပူၤကိးမုၢ်နၤအဃိဟီၣ်ကဝီၤဖိဟံၣ်တဖၣ်ဘၣ်ဒိဟးဂီၤအိၣ်န့ၣ်သ့ၣ်ညါဘၣ်န့ၣ်လီၤ
