မၠးဝတံၣ် မူကျိၤဝဲၢ်ကွၣ်ဇိၣ်ကျဲတကပာ်ပယီၤသုးဒီး BGFသုးတဖၣ်ထၢစ့လၢ သိလ့ၣ်ဟးထီၣ်က့ၤလီၤတဖၣ်အိၣ်န့ၣ်လီၤ

လါမ့ ၁၃သီ ၂၀၂၃နံၣ်

ကညီကီၢ်စဲး မၠးဝတံၣ် မုၣ်ကျိၤဝဲၤကွာ်ဇိၣ်ဖဲအပူၤကွံာ်လါမးၡး၂၅သီအခါန့ၣ်KNLAဒီးပာ်ဖှိၣ်သုးတဖၣ်

နုာ်လီၤခးဝံၤအလီၤခံန့ၣ်တၢ်သမံသမိးအါထီၣ်ဒီးထၢန့ၣ်ဝဲစ့လၢကမျၢၢ်သိလ့ၣ်တဖၣ်အိၣ်န့ၣ်သ့ၣ်ညါဘၣ်လၢမၠးဝတံၣ်ကမျၢၢ်ဖိတဖၣ်အိၣ်န့ၣ်လီၤ

ဖဲမုၣ်ကျိၤဝဲၣ်ကွာ်ဇိၣ် ပယီၤသုးမီၤစိရိၤဒီးBGFတဖၣ်

အိၣ်ဂၢၢ်သးဖဲန့ၣ်ဒီးသမံသမိးကမျၢၢ်သိလ့ၣ်လၢဟဲထီၣ်က့ၤလီၤတဖၣ်န့ၣ်သ့ၣ်ညါဘၣ်ဝဲလၢမၠးဝတံၣ်ကမျၢၢ်ဖိတဂၤတဲဝဲဒ်အံၤလီၤ

လၢဇိၣ်အချၢန့ၣ်BGFအိၣ်ဒီးဖဲဇိၣ်အပူၤန့ၣ်ပယီၤသုးအိၣ် ကၣ်စတၣ် ပယီၤပၢၤကီၢ်သုး အဒူၣ်အိၣ်ခဲလၢၢ်လီၤ

အခဲအံၤန့ၣ်သိလ့ၣ်လဲၤထီၣ်က့ၤလီၤတဖၣ်န့ၣ်ဒုးလဲၤဝဲလၢဇိၣ်အပူၤဒီးသမံသမိးဝဲ တၢ်အိၣ်ခိးတြဲၤလီၤအိၣ်ဝဲဖဲ၄တီၤလီၤ သိလ့ၣ်ဟံၣ် သိလ့ၣ်ဖးဒိၣ်သ့ၣ်တဖၣ်သမံသမိးဝဲခဲလၢၢ်လီၤ ကလဲၤဖဲလဲၣ် ကလဲၤမၤမတၢ်လဲၣ်သံကွာ်ဝဲန့ၣ်မၠးဝတံၣ်ကမျၢၢ်ဖိတဲဝဲလီၤ

ဒီးပယီၤသုးလၢအအိၣ်ဝဲဖဲဇိၣ်အပူၤတဖၣ်န့ၣ်အထၢဝဲစ့တၢ်အိၣ်ခိးတြဲၤအလီၤတခါန့ၣ် ၅၀၀၀ဘး  န့ၣ်သ့ၣ်ညါဘၣ်ဝဲလၢပှၤဝီသိလ့ၣ်ဖးဒိၣ်ဖိတဖၣ်အိၣ်န့ၣ်လီၤ

တၢ်အိၣ်ခိးတြဲၤလီၤန့ၣ်အိၣ်ဝဲနုၤလီၤခံပတီၢ် ဟးထီၣ်ခံပတီၢ် BGF ဒီးပယီၤသုးမီစိရိၣ်တဖၣ်အထီၣ်ကွာ်ဝဲဖဲသိလ့ၣ်ပူၤ တၢ်အိၣ်ခိးတြဲၤအလီၤတခါန့ၣ်ဘၣ်ဟ့ၣ် ၅၀၀၀ဘး တဟ့ၣ်တန့ၣ်ဘၣ် အ့ၡါကျဲနာ်က့ အအိၣ်ဒီးတၢ်အိၣ်ခိးတြဲၤအလီၤ မၠးဝတံၣ်တုၤကီးတရ့းန့ၣ်အလၢၢ်ဝဲဖဲ ၅၀၀၀၀ဘးန့ၣ် ပှၤဝီသိလ့ၣ်ဖးဒိၣ်ဖိတဂၤတဲဝဲလီၤ

ဖဲလါမးၡး၂၅သီန့ၣ် KNLAဒီးပာ်ဖှိၣ်သုးမုၢ်ဒိၣ်တဖၣ်နုာ်လီၤခး မၠးဝတံၣ်မုၣ်ကျိၣ်ဝဲၢ်ကွၢ်ဇိၣ်ဒီးသ့ၣ်ကဲညံၣ်နီၣ်ပယီၤပၢၤကီၢ်တၢ်လီၤန့ၣ် ပယီၤသုးမီစိရိၣ်အစုတီၤဖိလၣ် ပယီပၢၤကီၢ်သုးဖိသံဝဲ ၁၁ဂၤဒီးဖီၣ်ချူးဝဲအမူ ပယီၤပၢၤကီၢ်သုးခိၣ်ဖိဒီးအဟံၣ်ဖိဃီဖိ၈ဂၤန့ၣ်လီၤ

မၠးဝတံၣ်မုၣ်ကျိၤဝဲၢ်ကွၢ်ဇိၣ်ဘၣ်တၢ်နုၢ်လီၤခးဝံၤအလီၤခံ မၠးဝတံၣ်ဟီၣ်ကဝီၤကညီဖှီၣ်စုကဝဲၤအိၣ်သဝီတဖၣ်အပူၤပယီၤသုးမီစိရိၣ်ခးလီၤဝဲဒီးကျိဖးဒိၣ်ဒီးကဘီယူၤန့ၣ်လီၤ