လါမ့ၤ ၄ သီ၊၂၀၂၃နံၣ်
ကညီကီၢ်စဲၢ်၊ဖၣ်အၣ်ဝ့ၢ်ပူၤ ခီဖျိပှၤဖှီၣ်သိလ့ၣ်လၢလံာ်အုၣ်သးတအိၣ်တဖၣ်ဒီးသိလ့ၢ်ယီၢ် တဖၣ်အဃိ ဝ့ၢ်ပူၤပှၤဟးထီၣ်က့ၤလီၤစှၤန့ၣ်ဖၣ်အၣ်ဝ့ၢ်ဟီၣ်ကဝီၤဖိတဂၤတဲဝဲဒၣ်န့ၣ်လီၤ
ဖၣ်အၣ်ဝ့ၢ်ပူၤစးထီၣ်ဖဲအပူၤကွံာ်ထ့ကူာ်လါန့ၣ် ပယီၤသုးစုဖီလာ်ရူတဖၣ်သမံသမိးဒီးဖှီၣ်သိလ့ၣ်တဖၣ်န့ၣ်လီၤ.စးထီၣ်ဖဲလါမ့ၤ ၁သီန့ၣ် ဖှီၣ်ဝဲသိလ့ၣ်ယီၢ်တဖၣ်အဃိ ဖၣ်အၣ်ဝ့ၢ်ပူၤပှၤဟးထီၣ်က့ၤလီၤဆှၤန့ၣ်ဖၣ်အၣ်ဝ့ၢ်ပူၤဟီၣ်ကဝီၤဖိတဂၤတဲဝဲဒၣ်န့ၣ်လီၤ
“လၢညါန့ၣ်ဖှီၣ်ဝဲတလါခံဝီလီၤ.အခဲအံၤဖှီၣ်ဝဲတနွံတဝီ သိလ့ၣ်တီၢ်တၢ်ဖိတၢ်လံ ၊သိလ့ၣ်ယီၢ် ဖှီၣ်ဝဲခဲလၢၢ်လီၤ
.ခိၣ်ဖျီၣ်၊လံာ်အုၣ်သး၊သိလ့ၣ်မဲာ်ကလၤခဲလၢာ်လီၤ သိလ့ၣ်(ကါ)တဖၣ်ဒူဘၣ်ဟ့ၣ်ဝဲလၢအကလီၢ် လီၤမ့မ့ၢ်သိလ့ၢ်ယီၢ်ဒူဃ့ဝဲအကလုာ်ကလုာ်လီၤ အခဲအံၤဖှီၣ်ဃုာ်ဝဲ သိလ့ၢ်ယီၢ်(တီၢ်တၢ်ဖိတၢ်လံၤ)တဖၣ်န့ၣ်လီၤ အဃိတၢ်ဂ့ၢ်တၢ်ကျိၤမ့ၢ်တအိၣ်န့ၣ်ပှၤတဟးထီၣ်က့ၤလီၤဆူဝ့ၢ်ပူၤဘၣ်”န့ၣ်ဖၣ်အၣ်ဟီၣ်ကဝီၤဖိတဲဝဲဒၣ်န့ၣ်လီၤ
တကီၢ်ခါခဲအံၤ ဖှီၣ်ဃုာ်ဝဲသိလ့ၣ်ယီၢ်(တီၢ်တၢ်ဖိတၢ်လံၤ)တဖၣ်ဒီးသိလ့ၣ်လၢလံၣ်အုၣ်သးတအိၣ်တဖၣ်အဃိ ဖၣ်အၣ်ဝ့ၢ်ဒီးအဃၢၢ် ဟီၣ်ကဝီၤဖိလၢအိၣ်လၢသဝီတဖၣ် အပူၤ ပှၤပှ့ၤဆါတၢ်ဖိတဖၣ်ဘၣ်သဂၢၢ်ဒီးတၢ်ကီတၢ်ခဲန့ၣ်ဟီၣ်ကဝီၤဖိလၢပှ့ၤဆါတၢ်ဒိးတၢ်လၣ်တဂၤတဲဝဲဒၣ်န့ၣ်လီၤ
“လၢညါန့ၣ်ပလဲၤဆါတၢ်ဒိးတၢ်လၣ်တဖၣ်ဒီးသိလ့ၣ်ယီၢ်(တီၢ်တၢ်ဖိတၢ်လံၤ)တဖၣ်န့ၣ်လီၤ မ့တမ့ၢ်ဘၣ်န့ၣ်ပဒိးလဲသဝီပူၤသိလ့ၣ်(ကား)ဒီးပလဲၤဆါတၢ်န့ၣ်လီၤ အခဲအံၤဖှီၣ်ဝဲသိလ့ၣ်ယီၢ်ဒီးသိလ့ၣ်လၢလံာ်အုၣ်သးတအိၣ်တဖၣ်အဃိ ဘၣ်ဟးထီၣ်က့ၤလီၤကီခဲလီၤ (မၠးရတနၣ်မ့ )သိလ့ၣ်မ့ၢ်ချုးန့ၣ်ပလဲၤန့ၣ်လီၤ မ့ၢ်ပာ်ဃုၢ်ဒီးတၢ်ဖိတၢ်လံၤန့ၣ် ဘၣ်ဟ့ၣ်စ့ ၅၀၀ဘးန့ၣ်”ရွှၣ်တီသဝီ ပှၤဆါတၢ်ဖိတဂၤတဲဝဲန့ၣ်လီၤ
“လၢညါကီၣ်စွ့ဒိး သၢကဒိၣ် န့ၣ်၅၀၀ဘးလီၤ အခဲအံၤ၈၀၀ဘး လီၤ.မိၣ်ဂံၢ်သၣ်နာ်က့ တတလီာ်န့ၣ် ကဲထီၣ်၅၀၀လီၤၡ သဘၣ်ဘိၣ်ခိၣ် ၊သဘၣ်တံၢ်တဖၣ်နာ်က့အပှ့ၤထီၣ်ခံဆးန့ၣ်လီၤလၢညါပမ့ၢ်လဲၤဖၠါပူၤစ့၅၀၀၀န့ၣ်ပပှ့ၤတၢ်န့ၣ်ခဲလၢၢ်လီၤ အခဲစ့ ၅၀၀၀န့ၣ် ပှ့ၤန့ၣ်ဒၣ်ဟါခီတၢ်အီၣ်အဂီၤမးတန့ၣ်လၢၢ်”န့ၣ် ဟီၣ်ကဝီၤဖိတဲဝဲဒၣ်န့ၣ်လီၤ
ပယီၤသုးတဖၣ်အံၤ ဖၣ်အၣ်ဝ့ၢ် ကွဲၤကဘီ ပလၣ်ဇၣ်အမဲာ်ညါ ၊ဃိၣ်လိၣ်တိၢ်ဒီးဖၣ်အၣ်ဝ့ၢ်ကျဲဖးဒ့တဖၣ်န့ၣ်ပယီၤသုးစုဖီလာ်ရူတဖၣ်အိၣ်ခိးဖှီၣ်သိလ့ၣ်တဖၣ်ဖဲ မုၢ်ပျဲၢ်ဒီးမုၢ်လ့ၢ်ဧိၤနံၤတဖၣ်ဒီးစ့နုာ်လီၤဂ့ၤန့ၣ်သ့ၣ်ညါဘၣ်လၢပှၤဘူးဒီးပယီၤသုးတဖၣ်အိၣ်န့ၣ်လီၤ
