လါမ့ၤ ၁သီ ၊၂၀၂၃နံၣ်
လၢကညီကီၢ်စဲၢ် မၠၣ်ဝတံၣ်ဝ့ၢ်ပူၤ မ့ၣ်အူတဟဲအိၣ်၅လါလံအဃိ တၢ်မၤကစၢ်လၢဘၣ်သူမ့ၣ်အူဒီးမၤတၢ်တဖၣ် ဘၣ်သဂၢၢ်ဒီးတၢ်ကီတၢ်ခဲန့ၣ် တၢ်မၤကစၢ်တဂၤတဲဝဲဒၣ်န့ၣ်လီၤဖဲအပူၤကွံာ်(၂၀၂၂)လါဒံၣ်စ့ဘၢၣ် ၁၅ သီ တုၤလၢတနံၣ်အံၤ(၂၀၂၃)လါအ့ဖြ့ၣ်န့ၣ် တၢ်ဒုးကဲထီၣ်လၢခံခီခံကပၤ အဘၢၣ်စၢၤအခါခီဖျိမ့ၣ်အူခိၣ်ခၠၢၣ်ဟးဂီၤ၀ဲဒီးတုၤလၢခဲအံၤတၢ်တက့ၤဘှီဂ့ၤထီၣ်အီၤဒံးဘၣ်အဃိ စးထီၣ်လၢလါမ့ၤ၁သီတုၤခဲအံၤ မ့ၣ်အူဟးဂီၤအိၣ်၅လါလံန့ၣ်လီၤ
ခီဖျိမ့ၣ်အူတဟဲအဃိ ပှၤမၢ်တၢ်ဖိတဖၣ်ဘၣ်သူဝဲမ့ၣ်အူစဲးဒီးတၢ်လိမုၢ်တဖၣ်အဃိ တၢ်လၢၢ်ဘူၣ်လၢၢ်စ့ၢ်အါဒီးဘၣ်သဂၢၢ်ဒီးတၢ်ကီတၢ်ခဲန့ၣ် ပှၤဖုသိလ့ၣ်အလွဲၢ်တဂၤတဲဝဲဒၣ်န့ၣ်လီၤ
အခဲအံၤမ့ၣ်အူတဟဲဒီးဘၣ်မၤတၢ်ဘၣ်သူမဲၣ်အူစဲးအဃိ သိလၢၢ်လီၤ ဘၣ်မၤတၢ်တမုၢ်ဒ်သိးလၢညါဘၣ် လၢညါ သိလ့ၢ်ယီၢ်Auto တခိၣ်မ့ၢ်ဖုအလွဲၢ်န့ၣ် ၈ကလးန့ၣ်အဝံၤအခဲအံၤ၈ကလးန့ၣ် မ့ၣ်အူစဲးသိပှ့ၤ၊ပှၤမၤတၢ်ဖိအဘူးအလဲ၊ကသံၣ်ပှ့ၤအဃိအိၣ်တ့ၢ်ဒၣ်ကအီၣ်အဂီၤန့ၣ်လီၤ ဆၢကတီၢ်ခဲအံၤ တၢ်မၤဆှၤလီၤ သိပှ့ၤန့ၣ်လၢၢ်တနံၤတကလးဘျဲၣ်လီၤ
မ့ၣ်အူတဟဲဖးယံာ်ဘၣ်ဆၣ် လၢမၠၣ်ဝတံၣ်ဝ့ၢ်ပူၤ ဘၣ်ဟ့ၣ်မ့ၣ်အူလဲ (မံၤတၤ)လဲဒီးမ့ၢ်တဟ့ၣ်န့ၣ် ဘၣ်ဟ့ၣ်စ့ၢ်ကီးစ့အီၣ်လိးန့ၣ်မၠၣ်ဝတံၣ်ဝ့ၢ်ဟီၣ်ကဝီၤဖိတဂၤတဲဝဲဒၣ်န့ၣ်လီၤ
ခီဖျိလၢမ့ၣ်အူတဟဲဖးယံာ်အဃိ မၠၣ်ဝတံၣ်ဝ့ၢ်ပူၤ တၢ်မၤကစၢ်တဖၣ်ဘၣ်သူဝဲမ့ၣ်အူစဲး၊တၢ်လိမုၢ်တဖၣ်အဃိ တၢ်မၤတနီဘၣ်ပတုၤအသးလီၤ မ့မ့ၢ်မၠၣ်ဝတံၣ်ဝ့ၢ်ပူၤပယီၤသုးစုဖီလာ်ရူတဖၣ် သုဝဲယိၤကီၢ်မ့ၣ်အူန့ၣ်သ့ၣ်ညါဘၣ်လၢဟီၣ်ကဝီၤဖိအိၣ်န့ၣ်လီၤ
တၢ်လိမုၢ်(ဆိၣ်လၣ်)လၢကဒွဲၣ်မ့ၣ်အူအဂီၤန့ၣ် လၢၢ်ဝဲ အကလီာ်ခံဆံဃၣ်ဃၣ်အဃိ ပှၤမၤတန့ၣ်ဘၣ် အခဲလၢတီရးကၠိဒီး ဖယါကၠံတကပာ်မုၢ်ဆါအဆၢကတီၢ်နီမ့ၣ်အူစဲးအဃိ ဘၣ်လဲၤသရီနုာ် ကွဲၤဒီနၣ်၊မ့ၣ်အူဒၢ၊လဲးတီးတဖၣ်အဂံၢ်န့ၣ်လီၤ အခဲမ့ၣ်အူတဟဲအဃိ ပှၤဘီသိလ့ၣ်ကျး၊သိလ့ၣ်ယီၢ်၊ပှၤဆးတၢ်လီၢ်တဖၣ် ဘၣ်ကးတံာ်ဃးဝဲဒီး ပယီၤသုးစုဖီလာ်ရူတနီသုဝဲ ယိၤကီၢ်မ့ၣ်အူန့ၣ်လီၤ
ကတီၢ်ခဲအံၤ မၠၣ်ဝတံၣ်ဝ့ၢ်ဒီး ကီးတရံး၊ကၠူတုၤ၊နိးတကီကီၢ်ဆၣ်တဖၣ်အပူၤမ့ၣ်အူဟးဂီၤဒီးKNLAသုးပာ်ဖှိၣ်တဖၣ်ဒီးပယီၤသုးအဘၢၢ်စၢၢ်တၢ်ဒုးကဲထီၣ်အဃိ မ့ၣ်အူခိၣ်ခၠၢၣ်ဟးဂီၤအံၤပှၤဟဲဘီဂ့ၤထီၣ်က့ၤတနၣ်ဒံးဘၣ်န့ၣ်မၠၣ်ဝတံၣ်ဟီၣ်ကဝီၤဖိတဂၤတဲဝဲဒၣ်န့ၣ်လီၤ
