လါအ့ဖြ့ၣ် ၂၇သီ၊၂၀၂၃နံၣ်
ကညီကီၢ်ဆဲၣ် ၊သူမွဲကျိနံၤ လ့က့ၣ်ကီာ်ကမျၢၢ်ဃ့ၣ်တၢ်ဒုးလီၢ်တခါလၢအမ့ၢ်ဝဲ ပလီတပိၣ် ဃ့ၣ်တၢ်ဒုးလီၢ်အပူၤ မဲကနဲၣ်ဒီးကၠီးတီၢ်ပှၤဃ့ၣ်တၢ်ဒုးဟဲအါထီၣ်နီၢ်ဂံၢ် ၁၀၀ဘျဲၣ်အဃိ ပလီတပိၣ်ကမျၢၢ်ဃ့ၣ်တၢ်ဒုး ၁၀၀၀ဘျဲၣ်ဃၣ်ဃၣ်အံၤ ဘၣ်သဂၢၢ်ဒီးတၢ်အီၣ်တၢ်အီတၢ်ကီတၢ်ခဲန့ၣ် ပှၤဘၣ်မူဘၣ်ဒါတဲဝဲဒၣ်န့ၣ်လီၤ
ဃ့ၣ်တၢ်ဒုးအလီၢ်ပူၤ တၢ်အီၣ်လၢအမ့ၢ်ဝဲ ဃု ဒီး တၢ်ပီးတၢ်လီတဖၣ်လိၣ်န့ၣ်လီၤ ကမျၢၢ်နီၢ်ဂံၢ်လၢဟဲအါထီၣ်တဖၣ်အဂီၤ တၢ်အိၣ်တၢ်ဆိးအလီၢ်၊တၢ်သူၣ်ထီၣ်ဘီထီၣ်ကၠိအသီဒီး လိၣ်ဘၣ်ကမၤလိလံာ်အဂီၤတၢ်ပီးတၢ်လီတဖၣ်န့ၣ်လီၤ
အခဲအံၤဒူပလိၣ်ဘၣ်ဃု၊တၢ်အီၣ်တၢ်အီအဃ့တဖၣ် လီၤ ပလိၣ်ဘၣ်စ့ၢ်ကီးဒီးပကဘီထီၣ်က့ၤကၠိအသီဒီးဖိသၣ်တဖၣ်ကမၤလိလံာ်အဂီၤတၢ်ပီးတၢ်လီလၢအလိၣ်တဖၣ်န့ၣ်လီၤ
ကတီၢ်ခဲအံၤ ပလီတပိၣ်ဃ့ၣ်တၢ်ဒုးအလီၢ်အပူၤ သူၣ်က့သးပှၢ်တဖၣ်အကျါအိၣ်ဃုၣ်ဒီး ပှၤဘၣ်တုာ်တၢ်ဆါဖးယံာ်လၢသးအတၢ်ဆါဒီးလ့ၢ်အတၢ်ဆါ တကးဒံးဘၣ် ပှၤမိၢ်ဒၢတဖၣ်အဂီၤ လိၣ်ဘၣ်တၢ်အံးထွဲကွာ်လီၤလၢတၢ်အိၣ်ဆူၣ်အိၣ်ချ့တကပာ်န့ၣ် ပှၤမၤစၢၤကမျၢၢ်ဃ့ၣ်တၢ်ဒုးလၢ ပလီတပိၣ် တဂၤတဲဝဲဒၣ်န့ၣ်လီၤ
ပှၤသူၣ်က့သးပှၢ်အကျါ ပှၤဘၣ်တုာ်တၢ်ဆါအနံၣ်တဖၣ်အနံၣ် အိၣ်န့ၣ်လီၤ တၢ်ကိၢ်ဆူၣ်အဃိ ပှၤဆိးက့တဖၣ်အိၣ်န့ၣ်လီၤ လၢအိၣ်တနံၤပှၤလၢဟဲဃ့ၣ်တဖၣ်အကျါပှၤမိၢ်ဒၢပၣ်သၢဂၤ ပှၤမၤစၢၤတၢ်အိၣ်နာ်က့တၢ်လိၣ်တဖၣ်ဒူအိၣ်ဒံး န့ၣ် အဝဲတဲအါထီၣ်ဝဲဒၣ်န့ၣ်လီၤ
ဖဲအပူၤကွံာ် ၂၀၂၂နံၣ် စးထီၣ်ဖဲလါ December၁၅သီ ပယီၤသုး ၊သုးခိးကီၢ်ဆၢBGFဒီး ကညီဒီကလုာ်တၢ်ထူၣ်ဖျဲးသုးမုၢ်ဒိၣ် KNLAသုးပာ်ဖှိၣ်တဖၣ်အဘၢၢ်စၢၢ်တၢ်ဒုးကဲထီၣ်အပူၤ လ့က့ၣ်ကီာ်၊ပဟံးကလီၣ်၊မဲးထီၣ်သလ့၊ထံမဲာ်ဝါခံ ကမျၢၢ်ဃ့ၣ်တၢ်ဒုးနီၢ်ဂံၢ် ၃၀၀၀ဘျဲၣ်အံၤ ဘၣ်ဃ့ၣ်အိၣ်ဆူ ပလီတပိၣ် ဃ့ၣ်တၢ်ဒုးအလီၢ်ဒီး ဖဲ၂၀၂၃နံၣ် လါယနူၤအါရံၤန့ၣ်ပှၤက့ၤအိၣ်ဆိးက့ၤ လၢသဝီတဖၣ်အနီၢ်ဂံၢ်အိၣ်လၢ၂၀၀၀ဃၣ်ဃၣ်လံန့ၣ်သ့ၣ်ညါဘၣ်န့ၣ်လီၤ
ပယီၤသုးဟံးန့ၣ်ထံကီၢ်စိကမီၤဝံၤအလီၢ်ခံ ခံခီခံကပာ်တၢ်ဒုးဆူၣ်ထီၣ်အဃိ လ့က့ၣ်ကီာ်တုၤဝီၤလ့ၣ် ကနဲလ့ ပှၤဃ့ၣ်တၢ်ဒုးအိၣ် ၇ဖုဒီး လၢညါတၢ်ဒုးဆူၣ်အဆၢကတီၢ်ခါကမျၢၢ်ဃ့ၣ်တၢ်ဒုးနီၢ်ဂံၢ် အိၣ်တကလးဘျဲၣ်န့ၣ်လီၤ ကတီၢ်ခဲအံၤ ဝီၤလ့ၤ ကျဲတကပာ်တၢ်ဒုးပတုၤဃိ ကမျၢၢ်တနီ က့ၤအိၣ်ဆိးဝဲလၢတၢ်အိၣ်တၢ်ဆိးလီၢ်ဒီး ဟီၣ်ကဝီၤ ကမျၢၢ်ဃ့တၢ်ဒုး ၇ဖု အကျါအိၣ်တ့ၢ်ဒံး ၅၀၀ဘျဲၣ်န့ၣ်သ့ၣ်ညါဘၣ်န့ၣ်လီၤ
