မၠၣ်ဝတံၣ်ဝ့ၢ်ပူၤ လီမ့ၢ်အူ တဟဲအိၣ်၅လါလံဘၣ်ဆၣ် ဘၣ်ဟ့ၣ်မ့ၢ်အူလဲဒီး မ့ၢ်တဟ့ၣ်ဝဲန့ၣ် ဘၣ်လီးက့ၤဝဲအဘူးအလဲန့ၣ်လီၤ

လါအ့ဖြ့ၣ် ၂၅သီ၊၂၀၂၃နံၣ်

ကညီကီၢ်ဆဲၣ် မၠၣ်ဝတံၣ်ကီၢ်ဆၣ်အပူၤ စးထီၣ်ဖဲအပူၤကွံာ် လါဒံၣ်ဇံၣ်ဘၢၣ် ၁၅ သီ ဟါတုၤ လါအ့ဖြ့ၣ်၂၅သီ လီမ့ၢ်အူဟးဂီၤနာ်က့ အဘူးအလဲဒုဘၣ်ဟ့ၣ်ဝဲ ကိးလါဘ့ၣ်ဒဲးန့ၣ် မၠၣ်ဝတံၣ် ဟီၣ်ကဝီၤဖိတဲဝဲဒၣ်န့ၣ်လီၤ

စးထီၣ်ဖဲအပူၤကွံာ် လါဒံဇံၣ်ဘၢၣ် ၁၅သီ ဖးဖီမုၢ်၁၂နၣ်ရံၣ် ဃၣ်ဃၣ် အဆၢကတီၢ် သ့ၣ်ကါညံၣ်နီၣ်transformersဘၣ်တၢ်ခးအီၤဒီးdronဝံၤအလီၢ်ခံတုၤခဲအံၤလီမ့ၢ်အူဟးဂီၤ ၅လါလံန့ၣ်လီၤ

တဲဝဲတၢ်ပၢစှၢမ့ၢ်အူပှ့ၤအဃိထၢဝဲတလါ၅၀၀ ဘၣ်လဲၤဟ့ၣ်လၢမ့ၢ်အူရူလီၤ တဟ့ၣ်တန့ၣ်ဘၣ် မ့ၢ်တဟ့ၣ်န့ၣ်အဝဲသ့ၣ်တိာ်နီၢ်ဃးဟံၣ်ဒီးဘၣ်ဟ့ၣ်ဝဲစ့အ့ၣ်န့လီၤ မ့ၢ်လဲၤပူၤကွံာ်တသီ ဘၣ်ဟ့ၣ် ၁၀၀၀ လီၤ.ဖဲအပူၤကွံာ် န့ၣ်တလၢန့ၣ်ယၤ ခံနွံအဝဲသ့ၣ်ဃ့ယၤ တကလးယစ့အိၣ်ဒၣ်၇၅၀၀အဃိယဘၣ်ဟ့ၣ်တ့ၢ်ဒၣ်ဒ်န့ၣ်လီၤ

န့ၣ်ဟီၣ်ကဝီၤဖိတဲဝဲန့ၣ်လီၤ

မၠၣ်ဝတံၣ်ဝ့ၢ်ပူၤ မ့ၢ်အူတဟဲဒ်အံၤအဃိ မၠၣ်ဝတံၣ်ဟီၣ်ကဝီၤဖိတဖၣ်ဘၣ်သူဝဲ မ့ၢ်အူစဲးဒီးဆိၣ်လၣ်တဖၣ်န့ၣ်လီၤ

တကးဒံးဘၣ်ကီၢ်ကၠီၤတဲၤ ကီၢ်ပယီၤအဘၢၢ်စၢၢ်အဃိ မ့ၢ်ဟံးန့ၣ်ဝဲ ကီၢ်ကၠီၤတဲၤမ့ၢ်အူန့ၣ် ဘၣ်ဟ့ၣ်ဝဲတယူၣ်နံး၁၀ဘးအဃိအပှ့ၤဒိၣ်န့ၣ်ဟီၣ်ကဝီၤဖိတဲဝဲန့ၣ်လီၤ

လီမ့ၢ်အူဟးဂီၤဒ်အံၤတမ့ၢ်ဝဲထဲမၠၣ်ဝတံၣ်ဝ့ၢ်ဘၣ် ပာ်ဃုၣ်ဝဲကီးတရံး၊ကၠူတုၤ၊နိးတကီကီၢ်ဆၣ်သ့ၣ်တဖၣ်အပူၤမ့ၢ်အူဟးဂီၤအဃိ တနံၤဂီၢ်န့ၣ်ဘၣ်သူဝဲ မ့ၢ်အူစဲး၊ဆိၣ်လၣ်ဒီးကဖီအီၣ်တၢ်အဂီၤဘၣ်သူဝဲ ဂဲးစ်ဒီးသွဲၣ်လးတဖၣ်န့ၣ်လီၤ