ပယီၤသုးတဖၣ်သမံသမိးဃံးထီၣ် သီလ့ၣ်ဟးထီၣ်က့ၤလီၤလၢဃိၣ်လိၣ်တိာ်တဖၣ်န့ၣ်လီၤ

၂၆သီ လါအ့ဖြ့ၣ် ၂၀၂၃ နံၣ်

ကညီကီၢ်စဲၣ် ၊ဖၣ်အၣ်ကီၢ်ဆၣ် ၊ဖၣ်အၣ် ဒူသထူၢ်ကျဲဖီခိၣ် ဖဲဃိၣ်လိၣ်တိာ်န့ၣ် စးထီၣ်ဖဲလါအ့ဖြ့ၣ်အထီၣ် ပယီၤသုးတဖၣ်သမံသမိးဃံးထီၣ်ဝဲ သိလ့ၣ်လၢ ဟးထီၣ်က့ၤလီၤအပူၤသးစၢ်တဖၣ်န့ၣ်သ့ၣ်ညါဘၣ်လၢဖၣ်အၣ်ဟီၣ်ကဝီၤဖိတဖၣ်အိၣ်န့ၣ်လီၤ

သိလ့ၣ်ဒိးလဲ ၊Express၊သိလ့ၣ်ဟံၣ် ၊မီၣ်တီၢ်ဘိး၊ဟးထီၣ်က့ၤလီၤလၢ ဃိၣ်လိၣ်တိာ်တဖၣ်အပူၤ သးစၢ်တဖၣ်အကွဲၤဒီနာ်တဖၣ် ဘၣ်တၢ်သမံသမိးဒီးမ့ၢ်ထံၣ်တဲတၢ်ဘၣ်ဃးဒီးထံရူၤကီၢ်သဲးန့ၣ်ကဖှီၣ်ထၢနုာ်ဝဲလၢဃိၣ်ပူၤန့ၣ်တဲပျံၤတဲဖုးဝဲန့ၣ်လီၤ

တၢ်သမံသမိးတဖၣ်ဟဲဃံးထီၣ်လၢ တါလီၤဝံၤလီၤ.သိလ့ၣ်ဟံၣ်တဖၣ်န့ၣ်သံကွၢ်ဝဲကလဲၤဖဲလဲၣ် မ့မ့ၢ် Expressသိလ့ၣ်န့ၣ်သမံသမိးဝဲကွဲၤဒီနာ်လီၤသိလ့ၣ်ပူၤပှၤသးစၢ်မ့ၢ်အိၣ်မၢအစံၣ်လီၤဝဲ မ့ၢ်ထံၣ်ဝဲထံရူၤကီၢ်သဲးန့ၣ်ကထၢနုာ်ဝဲလၢဃိၣ်ပူၤသၢနံၣ်န့ၣ်လီၤ မ့ၢ်ဝံၤဃ့ဃးဝဲ လံာ်အုၣ်သးဒီးဟံၣ်ဒူၣ်စရီအဒိတဖၣ်န့ၣ် ဖၣ်အၣ်ဟီၣ်ကဝီၤဖိလၢ တအဲၣ်ဒိးပာ်ဖျါထီၣ်အမံၤတဂၤတဲဝဲန့ၣ်လီၤ

ဖဲအပူၤကွံာ် လါအ့ဖြ့ၣ် ၂၂ သီ မုၢ်ထူၣ်အဆၢကတီၢ် ဃိၣ်လိၣ်တိၢ်အလီၢ်ခံတကပာ် မၠ့ၣ်ကလ့ ကျဲဖးဒ့ သိလ့မ့ၣ်ပိၣ် ပိၣ်ဖးထီၣ်အဃိ တၢ်သမံသမိးဃံးထီၣ်န့ၣ်သ့ၣ်ညါဘၣ်လၢဟီၣ်ကဝီၤဖိအိၣ်န့ၣ်လီၤ

သိလ့ၣ်မ့ၣ်ပိၣ်ပိၣ်ဝံၤအလီၤခံ သမံသမိးတၢ်အါထီၣ်လီၤ လၢညါန့ၣ်သိလ့ၣ်ဟံၣ်န့ၣ်တသမံသမိးဝဲဘၣ် အခဲပမ့ၢ်ကလဲၤလၢဖၣ်အၣ်န့ၣ်တချူးတုၤဃိၣ်လိၣ်တိၢ်န့ၣ်သမံသမိးတၢ်လီၤ ဒူသထူတကပာ်သမံသမိးဝဲဖဲ ထိဂ့းန့ၣ်လီၤ အလဲၤအက့ၤသမံသမိးဝဲလီၤ ပှၤသမံသမိးတၢ်ကရူၤကရၢအိၣ်အါမးလီၤ န့ၣ်ဖၣ်အၣ်ဟီၣ်ကဝီၤဖိတဲဝဲဒၣ်န့ၣ်လီၤ

ဖၣ်အၣ်ကီၢ်ဆၣ် နီၢ်ဂံၢ် ၈ ကဝီၤဒ့ရူမဲာ်ညါ ပယီၤသုးကးတံာ်ဃးကျဲဒီးသမံသမိးတၢ်အဃိ ဟီၣ်ကဝီၤဖိတဖၣ်တၢ်ကီတၢ်ခဲအိၣ်လၢကဟးထီၣ်က့ၤလီၤအဂီၢ်န့ၣ်လီၤ

တကးဒံးဘၣ် ဖၣ်အၣ်ကီၢ်ဆၣ်အပူၤ ဖှီၣ်ဝဲ သိလ့ၣ်လၢလံာ်အုၣ်သးတအိၣ်တဖၣ် ဖှီၣ်ဝဲ ဒီးသိလ့ၣ်အကလုာ်ပာ်ပနီၢ်ဝဲဒီးဃ့ဝဲ ၃၀၀၀၀၀တုၤ ၆၀၀၀၀၀အဃိ ပယီၤသုးစုဖီလာ်ပှၤမၤတၢ်ဖိတဖၣ် အစ့နုာ်လီၤဂ့ၤမးန့ၣ်သ့ၣ်ညါဘၣ်န့ၣ်လီၤ