လါအ့ဖြ့ၣ် ၂၇သီ၊၂၀၂၃နံၣ်
ကညီကီၢ်ဆဲၣ် ၊ကီးတရံးဝ့ၢ်ဒီးအဃၢၢ်သဝီတဖၣ်အပူၤ စးထီၣ်လၢတနံၣ်အံၤဒူၣ်ရ့ၣ်သၣ်သၣ်ထီၣ်အဆၢကတီၢ် ဒူၣ်ရ့ၣ်သၣ်အပှ့ၤဂ့ၤနာ်က့ တၢ်ဒုးကဲထီၣ်သးလၢကီးတရံးဝ့ၢ်အဃၢၢ်တဖၣ်န့ၣ် သ့ၣ်ညါဘၣ်လၢပှၤပှ့ၤဆါဒူၣ်ရ့ၣ်သၣ်အိၣ်န့ၣ်လီၤ
ကီးတရံးဝ့ၢ်အ့ၤဘၣ်တၢ်ဆှၢထီၣ်ဒူၣ်ရ့ၣ်သၣ်လၢ နိးတကီကလံၤစိး၊နိးတကီကလံၤထံး၊နီၣ်တလၣ်သဝီဒီးကမီကသူၣ်သဝီသ့ၣ်တဖၣ်ဒီး စးထီၣ်လၢဒူၣ်ရ့ၣ်သၣ်ပၢၢ်ထီၣ်န့ၣ်အပှ့ၤဂ့ၤသနာ်က့ ကီးတရံးဝ့ၢ်ကပၤတၢ်ဒုးသ့ၣ်တဖၣ်အဃိ တၢ်ဆါတၢ်ပှ့ၤဆှၤန့ၣ်သ့ၣ်ညါဘၣ်လၢ ပှၤပှ့ၤဆါဒူၣ်ရ့ၣ်သၣ်အိၣ်န့ၣ်လီၤ
အခဲအံၤ ဒူၣ်ရ့ၣ်သ့ၣ်န့ၣ် အဆံးန့ၣ် ၇၀၀၀အဒိၣ်န့ၣ် ဆါဝဲတကလးတခီတုၤသၢကလးလီၤ အသၣ်န့ၣ်အချံဆံးသနာ်က့ဆၢလီၤ အဃိအပှ့ၤဂ့ၤလီၤ ပှၤပှ့ၤအီၣ်ဒူဆှၤလီၤ အခဲအံၤပှၤခးတၢ်လၢအ့ရှါကျဲအဃိလီၤ မ့ၢ်တခးလိၣ်သးန့ၣ်ပလဲဖၠူပရးဟံးတးအကပာ်သိလ့ၣ်ဟဲရဲၤလီၤသးဒီးဆါဝဲလီၤအခဲဒူဆါဒၣ်ဝဲထဲဖၠါန့ၣ်လီၤ ဘၣ်မၤတၢ်ဆါတၢ်ပှ့ၤတမုာ်အါဘၣ် န့ၣ်ပှၤပှ့ၤဆါဒူၣ်ရ့ၣ်သၣ်တဲဝဲန့ၣ်လီၤ
တကီၢ်ခါခဲအံၤ ဒူၣ်ရ့ၣ်သၣ်ပၢၢ်ထီၣ်သီအပှ့ၤဂ့ၤသနာ်က့ ပှၤပှ့ၤအီၣ်ဆှၤဒီးပယီၤသုးခးလီၤကျိဖးဒိၣ်ဆူ သဝီပူၤဃိ လါ May အပူၤန့ၣ်ကမၤလီၤက့ၤဒူၣ်ရ့ၣ်သၣ်အပှ့ၤအဃိ ပှၤပှ့ၤအါထီၣ်ကသ့န့ၣ်ကီးတရံးဟီၣ်ကဝီၤဖိတဲဝဲန့ၣ်လီၤ
အခဲအံၤမ့ၢ်ဒူၣ်ရ့ၣ်သၣ်ပၢၢ်ထီၣ်သီအဆၢကတီၢ်တကးဒံးဘၣ် တၢ်ဒုးကဲထီၣ်ဒီးပယီၤသုးခးလီၤကျိဖးဒိၣ်အဃိ ပှၤလဲၤဒဲးတဘူၣ်ဘၣ်အဃိအပှ့ၤဂ့ၤလီၤ အဆံးန့ၣ်လၢညါတဖျၢၢ် ၃၅၀၀အခဲအံၤ ၇၀၀၀၊၈၀၀၀အဃိ ပှ့ၤအီၣ်တန့ၣ်ဘၣ် အခဲအံၤအပှ့ၤဒိၣ်ဒံးမ့ၢ်တုာ်လၢ လါ May ဒူၣ်ရ့ၣ်သၣ်အပှ့ၤလီၤန့ၣ်ဒူပှၤပှ့ၤအီၣ်ကန့ၣ် န့ၣ်ကီးတရံးဟီၣ်ကဝီၤဖိတဲဝဲန့ၣ်လီၤ
ဒူၣ်ရ့ၣ်သၣ်ဟးထီၣ်သဝီတဖၣ်ဆူ ကီးတရံးပှၤတီၢ်တၢ်သၣ်အသိလ့ၣ်ဟဲကျဲဒီဘီညါန့ၣ် ပယီၤသုးစုဖီလာ် BGF အတၢ်သမံသမိးလီၢ်အိၣ် အတီၤ ၁၀ဒီး ဆ့ၣ်က့ၣ်မ့ၢ်လဲၤဖဲန့ၣ်န့ၣ် ဘၣ်ဟ့ၣ်ဝဲ ၅၀၀တုၤ ၂၀၀၀န့ၣ်ပှၤပှ့ၤဆါဒူၣ်ရ့ၣ်သၣ်အိၣ်န့ၣ်လီၤ
ဆၢကတီၢ်ခဲအံၤ ကီးတရံးဝ့ၢ်ပူၤ ဒူၣ်ရ့ၣ်သၣ်တကးဒံးဘၣ် မၣ်ကူးသၣ်နာ်က့ လၢညါအဖျၢၢ် ၂၀ န့ၣ် ၂၅၀၀ဘးနာ်က့ အခဲ အပှ့ၤထီၣ်ဆူ၇၀၀၀ဘျဲၣ်အဃိ အပှ့ၤဒိၣ်ထီၣ်သၢဆးန့ၣ်သ့ၣ်ညါဘၣ်လၢကီးတရံးဟီၣ်ကဝီၤဖိတဖၣ်အိၣ်န့ၣ်
